大埔運動場驚現單車男 伴跑友繞圈競技 網民：職員瞓晒覺？
更新時間：11:15 2026-11-04 HKT
發佈時間：09:52 2026-11-04 HKT
發佈時間：09:52 2026-11-04 HKT
字體大小
大埔運動場驚現「單車手」。網上流傳片段，顯示一名男子踩着單車於晚上時分，闖入大埔運動場的田徑跑道上，與一眾跑步人士並肩同行，將跑道當作單車徑使用。有目擊網民直指，該名單車男「踩左（咗）一圈，之後仲大搖大擺，喺100米終點掉頭，踩左去staff room 方向果邊走」。網民質疑運動場內欠缺管理，留言批評：「運動場啲職員瞓曬（晒）覺？」
片段所見，涉事單車男在大埔運動場的田徑跑道上，旁若無人般踩着單車繞圈行駛。其間他不時單手握着單車，似乎技術相當熟練，並多次超越旁邊的跑步人士，與跑友擦身而過。近鏡更顯示，涉事單車未有收起側架，片主不禁留言笑稱：「大家留意吓，佢仲要冇落側架，都可以踩足一圈，真係好好技術。」
事件惹來網民熱議，網民紛紛留言質疑場內管理人員有失職之嫌：「運動場啲職員瞓曬（晒）覺？」、「咁痴線，無職員架（㗎）」、「可以踩單車嘅咩？我仔2歲幾時喺側邊踩咗幾下滑板車都俾人追住鬧」。有目擊網友直指：「痴線，見佢踩咗一個圈就消失咗」、「踩左（咗）一圈，之後仲大搖大擺，喺100米終點掉頭，踩左去staff room 方向果邊走」。亦有網民揶揄單車男是「退役香港單車隊」、「邊個叫外賣？」
