筲箕灣爆水管│點心店爆玻璃女工全身被冚沙泥「嚇死我驚到行都唔識行」

更新時間：14:17 2026-10-27 HKT
發佈時間：14:17 2026-10-27 HKT

筲箕灣道318號西行線對開路面進行挖路工程期間，懷疑工人掘爆地下水管，附近一間點心舖遭水柱衝爆玻璃，受到嚴重破壞，正在店內工作的員工黃女士，當時正執起點心準備去蒸熱，背向舖外，突然「bomb」一聲全身被水及沙泥冚住，變成「泥鴨」，更有如飯碗般大的石頭夾雜水泥，在她身邊擦身而過，談起當下經歷，黃仍猶有餘悸，頻呼「真係好驚，嚇死我！」

黃女士親述事發一刻時指當時背向店外，突然有大量水、沙泥、沙石「冚晒落嚟」，「嚇死我，嚇到我唔識郁，阿姐叫我仲唔嗱嗱聲走啦，我先識得走入嚟！嗰陣真係好驚。驚到行都唔識行。」

她指沙泥、水泥流落全身，全身濕透，同事叫她返家沖涼換衫，「我全面、耳仔全部都係沙。」最驚險是，當時一塊如飯碗般大的石頭，在她身邊飛過，「嘩，真係命大，好彩冇傷到，以前冇試過，好驚，真係嚇死我！」