域多利道奪命車禍｜鐵騎士歸家途中遇橫禍胞姐盼查明真相：真係好無奈

更新時間：22:34 2026-10-02 HKT
發佈時間：22:34 2026-10-02 HKT

西環域多利道周四（10月1日）發生嚴重交通意外，一名63歲姓黃男子駕駛電單車期間，被一輛私家車撞及，頭部重創，延至周五（10月2日）上午9時46分不治。警方調查後以涉嫌危險駕駛引致他人死亡拘捕50歲姓江私家車司機。死者的胞姐對事件感到難過及無奈，又指私家車司機為休班輔警，理應明白清楚交通規則，「撞得咁嚴重，你小路出嚟大路，你應該要停一停…真係好無奈，一個人無端端咁樣（突然離世）」。

消息指，黃男為一名司機，受聘於一間清潔公司，主要返夜更（下午5時至晚上11時），生前與妻子、21歲兒子及胞姐同住香港仔華富邨一單位。黃男的胞姐向傳媒表示，弟弟駕駛電單車多年，平日會以電單車代步，昨日適逢放假，外出後駕駛電單車準備回家，詎料歸家途中遭遇橫禍。

黃的胞姐直言事件來得非常突然，一家人十分無奈及不知所措，「真係好無奈，一個人無端端咁樣……邊個啱邊個錯，我唔識得呢啲嘢，但好明顯而家個情形，就係個司機出嚟嗰陣時無睇到。」

相關新聞 : 西環域多利道電單車捱撞鐵騎士昏迷送院警拘私家車司機涉危駕

她續指，目前仍有待警方作深入調查，但對於涉案的私家車司機為休班輔警，黃的胞姐難以接受：「如果話嗰個人本身係輔警，我覺得佢更加無理由啦！你自己應該更加清楚交通規矩，無理由你咁樣㗎，係咪先？撞得咁嚴重，你小路出大路，你應該要停一停、睇清楚。」