元朗狗咬死人｜居民跑步踩單車提心吊膽 「夜晚真係唔好嚟呢度」
更新時間：14:43 2026-09-22 HKT
發佈時間：14:43 2026-09-22 HKT
發佈時間：14:43 2026-09-22 HKT
字體大小
元朗壆圍南路27歲女慘遭群犬咬斃慘劇，全城嘩然，元朗區居民亦人心惶惶，現在無論步行或踩單車出入該路段均提心吊膽。有村民坦言曾有被狗追經歷，只能停步觀察清楚，以靜制動，與狗隻保持距離，他亦奉勸其他居民，晚上不要到肇事路段，「呢度夜晚真係好靜，就算冇狗咬事件，有劫案都唔出奇，希望政府跟緊啲啦！」
何先生說夜晚狗隻出沒令他卻步。梁國峰攝
練先生指肇事路段夜晚好靜，奉勸大家勿來。梁國峰攝
龐女士指一旦遇上群狗，會掉頭離開。梁國峰攝
正在跑步的居民練先生對本網表示，曾試過一次被狗追經歷，「啲狗一出嚟就幾隻一齊，通常我哋跑步，慢慢跑，唔理佢，佢哋唔會跟住，但踩單車冇辦法，佢哋一定跟住單車跑，平時嚟呢度都特別小心。」
當局在外勞宿舍加裝閉路電視監察附近環境。梁國峰攝
當局在外勞宿舍加裝閉路電視監察附近環境。梁國峰攝
談及上次被狗追的經驗，「自己停咗先，慢慢觀察，同佢哋保持距離，跑步最蝕底，我哋跑步一定跑唔過啲狗。」他說因為跑步要盡量輕便，不會帶驅狗器在身。他語重深長力勸其他居民，「夜晚真係唔好嚟呢度跑步踩單車，我跑過一次夜晚，都唔夠膽再嚟，夜晚呢度真係好靜，就算冇狗咬意外，有劫案都唔出奇，希望政府跟緊啲。」
他說狗隻通常在漁塘路口位走出，「佢吠我，我就停步，兜第二條路行，踩單車會危險小小，狗見到高速物體就會追，人停喺度反而冇乜嘢，唔好繼續跑就得。」
踩單車的何先生亦曾被狗追，「慢慢行、慢慢走囉，你越快，啲狗越特別追你，仲要幾隻一齊嚟，啲狗好惡，我都驚，唯有慢慢行。」
而龐女士則早在數星期前約了數名友人到元朗踩單車郊遊。唯發生狗咬死人事件，她一度有取消念頭，「不過諗住日光日白就唔怕，成班人一齊玩。我哋四點幾就走，唔會夜晚踩。」她說未曾被狗追，一旦發生，就不會與狗對視，「踩行走，除非跌低咗，離遠見到五、六隻狗的話，就掉頭走，一定唔會挑釁佢哋，夜晚一定唔會踩。」
