元朗狗咬死人｜居民跑步踩单车提心吊胆 「夜晚真系唔好嚟呢度」
更新时间：14:43 2026-09-22 HKT
发布时间：14:43 2026-09-22 HKT
发布时间：14:43 2026-09-22 HKT
字体大小
元朗壆围南路27岁女惨遭群犬咬毙惨剧，全城哗然，元朗区居民亦人心惶惶，现在无论步行或踩单车出入该路段均提心吊胆。有村民坦言曾有被狗追经历，只能停步观察清楚，以静制动，与狗只保持距离，他亦奉劝其他居民，晚上不要到肇事路段，「呢度夜晚真系好静，就算冇狗咬事件，有劫案都唔出奇，希望政府跟紧啲啦！」
何先生说夜晚狗只出没令他却步。梁国峰摄
练先生指肇事路段夜晚好静，奉劝大家勿来。梁国峰摄
庞女士指一旦遇上群狗，会掉头离开。梁国峰摄
正在跑步的居民练先生对本网表示，曾试过一次被狗追经历，「啲狗一出嚟就几只一齐，通常我哋跑步，慢慢跑，唔理佢，佢哋唔会跟住，但踩单车冇办法，佢哋一定跟住单车跑，平时嚟呢度都特别小心。」
当局在外劳宿舍加装闭路电视监察附近环境。梁国峰摄
当局在外劳宿舍加装闭路电视监察附近环境。梁国峰摄
谈及上次被狗追的经验，「自己停咗先，慢慢观察，同佢哋保持距离，跑步最蚀底，我哋跑步一定跑唔过啲狗。」他说因为跑步要尽量轻便，不会带驱狗器在身。他语重深长力劝其他居民，「夜晚真系唔好嚟呢度跑步踩单车，我跑过一次夜晚，都唔够胆再嚟，夜晚呢度真系好静，就算冇狗咬意外，有劫案都唔出奇，希望政府跟紧啲。」
他说狗只通常在渔塘路口位走出，「佢吠我，我就停步，兜第二条路行，踩单车会危险小小，狗见到高速物体就会追，人停喺度反而冇乜嘢，唔好继续跑就得。」
踩单车的何先生亦曾被狗追，「慢慢行、慢慢走啰，你越快，啲狗越特别追你，仲要几只一齐嚟，啲狗好恶，我都惊，唯有慢慢行。」
而庞女士则早在数星期前约了数名友人到元朗踩单车郊游。唯发生狗咬死人事件，她一度有取消念头，「不过谂住日光日白就唔怕，成班人一齐玩。我哋四点几就走，唔会夜晚踩。」她说未曾被狗追，一旦发生，就不会与狗对视，「踩行走，除非跌低咗，离远见到五、六只狗的话，就掉头走，一定唔会挑衅佢哋，夜晚一定唔会踩。」
最Hit
