車Cam｜大角咀走失2歲童行出大馬路 眼利司機急停車抱起 母親接回遭警告
更新時間：17:45 2026-08-31 HKT
發佈時間：17:45 2026-08-31 HKT
發佈時間：17:45 2026-08-31 HKT
字體大小
大角咀櫻桃街公園有兩歲男童昨日（8月30日）玩耍時，與母親意外走失，更一度走到附近車來車往的渡船街及麗翔道交界，險象環生。幸得路經熱心司機及時停車，將幼童抱到安全位置，並報警求助。其後男童母親報案求助，順利與愛兒重聚，警方亦已警告母親要看管好自己兒童。
事發於昨日下午4時半左右，據車Cam片段顯示，當時熱心司機途經麗翔道及渡船街交界時，赫然瞥見男童在支路上行走，熱心司機隨即停車，並將其抱至安全位置，之後報警求助。熱心司機事後憶述：「個細路喊到收唔到聲，好辛苦氹到佢唔喊，交咗俾警察又再喊過，不過警察好有愛心，都識得慢慢氹佢」。
約半小時後，一名38歲母親報案，稱自己與兩歲兒子在渡船街公園玩耍，其間與兒子意外走失，遍尋不獲。警方經調查後，相信早前麗翔道司機尋獲的正正是該名走失男童。隨後，母親順利與愛兒重聚，警方亦警告了母親要看管好自己兒童。
熱心司機今日（8月31日）上載事發時片段，呼籲一眾家長注意，獲不少網民紛紛大讚，稱「你真係佢救命恩人，仲救咗之後會經過嘅司機」、「好人一生平安」；亦有人捏一把冷汗，直言「仲要係彎位，真係嗖一聲就撞死」、「呢個位真係會高速轉彎，如果係個睇緊電話嘅司機……」、「又一個父母要考牌系列」。
最Hit
