旺角夾公仔店半年三次被淋紅油 店主：成條街最旺場係我 同行如敵國
更新時間：15:32 2025-05-10 HKT
發佈時間：15:32 2025-05-10 HKT
發佈時間：15:32 2025-05-10 HKT
字體大小
旺角通菜街62號寶寧大廈地下一間夾公仔店，今（10日）中午1時41分，店舖負責人報案，指夾公仔店其中一部公仔機遭人淋潑紅油，警員到場調查，將案件列刑事毀壞跟進。負責人易先生對本網表示，他在上址開業半年，已被人破壞三次，首次是在今年一月，第二次是昨日（9日）凌晨時分，第三次便是今（10日）早上7時52分。他坦言「半年三宗都好誇張啫，呢度係香港地，冇理由捉唔到！」
易先生指，他之前做過推廣送公仔，生意比較好，「好爆場，成條街最旺係我，可能同行妒忌，惹來報復。」他說每個案件，他都有向警方提供閉路電視，「每次都影到（犯案），有6個賊，我自己都捉到5個。」他估計今次損失數十萬元，「淋咗油，用唔到機，底板都燒埋，要換新機、貨，加上清潔費，又要退返錢畀台主，幾日都做唔到生意。」他希望警方能盡快破案。
從易先生提供的cctv片段顯示，今晨約7時52分，一名黑衫男偕一名白衣男，一同到達夾公仔店，白衣男在店外等候「睇水」，而黑衫男手持紙袋，進入店內後，在紙袋取出載滿紅油的紙杯，向其中一部夾公仔機淋潑紅油，約一分鐘後便若無其事離開，而白衣男亦靜候男衫男離去後，再獨自循同一方向逃走。
最Hit
中年好聲音3丨選手後台互動驚見一人被「排擠」 劉洋斥李金凱侮辱人爆發「衝突」？
2025-05-09 22:00 HKT
44歲女星現身九龍真光中學運動會 美貌達校花級數曾是校隊成員 做一事獲母校用課室命名
2025-05-09 19:55 HKT
結業潮2025｜唔止海皇粥店全線結業 半年13間連鎖食肆關門 過江龍／茶餐廳／太興旗下台菜都捱唔住
2025-05-08 12:12 HKT
張智霖媽媽曹珍妮年輕索爆影片曝光 低胸吊帶女人味爆棚 工展小姐冠軍出身演藝世家
2025-05-08 20:30 HKT
