土瓜灣工人墮棚亡│街坊：連人帶竹同狗臂架一齊跌落嚟頭破血流冇反應！

更新時間：16:20 2024-11-05 HKT
發佈時間：16:20 2024-11-05 HKT

今（4日）下午土瓜灣馬頭角道工人由棚架墮平台送院不治。有附近工作的市民陳先生目擊事發一刻，「我由舖頭出嚟買飯，一出嚟突然見到有個人連埋兩支竹同狗臂架，嘭一聲一齊跌落嚟，我即刻報警，警察好快到，消防架雲梯上去救佢，救落嚟時佢已頭破血流，手骨折，救護員做梗心外壓機，將佢送院，佢當時已冇反應，唔清醒，昏迷送院。消防救佢過程大約10分鐘。」

相關新聞：土瓜灣馬頭角道搭棚工人飛墮平台昏迷送院不治

陳先生指事主年約40多歲，「身形幾大隻，之後有工友落咗嚟，阿Sir同佢哋問話。不過，我由始至終都唔見（事主）有安全帶或安全帽。」

工業傷亡權益會總幹事蕭倩文表示，暫時只知當時事主在11樓高空工作，懷疑安裝狗臂架時不穩，連人帶架墮至平台。目前暫時未知事主家庭背景，工權會職員已趕往醫院了解，以盡快接觸協助事主家人。

蕭倩文又提到，過去12年至今，已發生23宗與棚架相關死亡意外，形容問題嚴重，雖然政府就搭棚工序修例，例如搭棚要考牌等，然而業界文化仍然存在不少問題，例如使用不符要求的安全帶、用爬山繩代替安全帶、工作期間沒有將安全帶掛在救生繩上等。她呼籲安裝狗臂架時，工友一定要確保身處位置穩固，安全帶綁在穩固位置等。

↓立即下載星島頭條App↓