大圍平治逃捕|目擊者形容現場誇張 南亞漢遭兩警制服在地

更新時間:16:00 2023-01-31
發佈時間:16:00 2023-01-31

大圍紅梅谷路今日(31日)下午發生6車相撞,消息指一部Benz私家車為逃避警方追捕,駛至近隆亨邨對開燈位,強行撞開前方的車輛,司機及乘客見勢色不對棄車逃跑,但其中一名南亞裔男子最終被執法人員擒獲。

市民鍾小姐指,當時她搭巴士到上址,見到有多部車輛相撞,非常誇張,又指落車期間已見到數名便裝警員,將一名南亞裔男子制服在地上,「佢哋(警察)叫個南亞佬唔好郁,之後個就叫個南亞佬跪喺草叢度」。她指南亞漢當時未有反抗,其後被警方用手扣雙手反鎖。

犯人身型魁梧無反抗

目擊者李先生事發時正踩單車,突然聽到前方有嘈吵聲,便見到一名男子被數名便裝探員追捕,「去到燈位嗰陣,有幾個便衣探員喺我面前衝過去追其他人,無幾耐就見到3個探員㩒住一個」。他指被制服的南亞漢身材魁梧,未有作出任何反抗,「見到有一個警察捉住佢(南亞漢)隻手落緊孖葉,另一個就跪住佢,伸縮警棍就擺喺隔離,見唔到有拎槍」。
 

相關新聞:大圍平治逃避探員追截 連撞5車圖突圍 重案組當場拉1人

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ