盼再創新高破紀錄栢天男開Live騷肌謝票

頭條日報-娛樂

更新時間：00:00 2023-02-01 HKT
發佈時間：00:00 2023-02-01 HKT

栢天男（Adam）、林小湛、吳若希（Jinny）與老公何兆鴻（Alex）等前晚出席《毒舌大狀》演藝貴賓特別場。栢天男感激香港觀眾支持，問到若票房再創新高會否騷肌？他就表示開live時有要求的話再睇吓！

栢天男忙謝票亦專誠捧戲中外母小湛姐場，他指在對方身上學到做演員的品格。對於《毒》上映10日票房破5,500萬，他指劇本寫得好，感激香港觀眾支持，問到若票房再高，會否穿泳褲謝票？栢天男笑說：「好似係阿Dee（何啟華）話着泳褲，（會騷肌？）開live時有要求的話再睇吓！」

小湛姐透露去加拿大一個月探家人，因已3年沒返去，她返港後就開拍杜琪峯新戲及兩部內地電影。現年82歲的小湛姐不會覺工作太忙，笑言愈忙愈好，反而不拍戲就覺得累，「2019年我喺加拿大攞最佳女配角，當時我79歲，啲人問我幾時退休，我就話我會一直做戲做到100歲。」
吳若希專心工作唔想再生

至於吳若希就表示藉老公37歲生日帶他見世面，實現他想睇這套戲的生日願望。而小朋友因證件問題，新年留港度過。問到是否想在兔年生多個？Jinny即耍手兼擰頭說：「千祈唔好生多個！我今年一定要好專心工作，因為師傅話我今年工作幾好。」她又透露會到美國洛杉磯開騷，預計之後到內地巡迴，是否因此暫時不想生小朋友，Jinny說：「係呢一世都唔想再生，兩個夠晒數！」