預告《冲遊8》冬蔭妹露半球胡慧冲3年冇返港阿媽一攬即喊

頭條日報-娛樂

更新時間：00:00 2023-01-20 HKT
發佈時間：00:00 2023-01-20 HKT

有3年幾冇返港的「泰國通」胡慧冲（Roger）趁住開關，月初回港6天探望年老雙親，並提前同家人食團年飯。對於《冲遊》系列拍到第八輯，Roger坦言多咗人認識，在港期間不時有觀眾要求合照，他承諾繼續做好節目，更預告2月8日晚10點半起J2播出的《冲遊8》，冬蔭妹會「露半球」跟他齊齊搶fo。
採訪：方騫平地場：中華小館

受疫情影響超過3年冇返香港，Roger形容感覺既親切又陌生，一落機就急不及待去父母屋企食飯，媽媽喺樓下等候時，見到他即刻爆喊：「搞到我個心好唔安樂，攬住掃佢個頭安慰佢話『乖啦，唔好喊啦！』幸好兩老身體都健健康康。」他承諾之後會多回港陪伴。另外，最快4月會帶埋冬蔭妹及冬蔭哥哥出席泰國旅遊局搞嘅泰國節。
回港同Fans聚會

Roger的回港行短留6天，期間跟20位粉絲飯敍，「獲大家嘅支持好感動，今次由機場到平日出街，認識我嘅人明顯多咗，好多人同我打招呼及合照，大廈看更又畀利是鼓勵我，自問非大台藝員，又唔係靚仔。最尷尬係媽媽見到我好激動咁喊，身後突然有把聲話係我粉絲要求合照。」

另外，《冲遊泰國8》除咗有冬蔭妹、「叉燒姐」鄺玲玲等班底外，仲加入新成員泰國後生版冲為糊，Roger笑言今次「索爆」嘅冬蔭妹更會露半球，強調冇流鼻血：「都第八輯啦！見慣不怪喇。」