山頂廣場秋日限定｜「慢活療癒」工作坊玩藝體驗

Headlife

更新時間：00:00 2022-09-28 HKT
發佈時間：00:00 2022-09-28 HKT

秋高氣爽，Mall樂哥最鍾意登山享受陣陣清風，人都醒神啲！恒隆地產旗下山頂廣場由即日起至10月30日嘅每個星期六、日及公眾假期，舉行「山頂秋日悠」活動，有九項別具特色、富文藝玩味體驗嘅工作坊及有益身心嘅活動，希望今秋山頂廣場成為情侶、朋友以及一家大細嘅朝聖熱點，為假日抹上浪漫嘅玩藝色彩！

體驗手作工藝享受療癒假日

市民嚟到山頂廣場都希望享受悠閒感覺！恒隆特別推出六個「慢活療癒」工作坊，包括製作土耳其馬賽克蠟燭燈、俄羅斯刺繡戳戳畫、動態流沙畫、個人化香薰蠟燭星球燈、乾花蠟燭擺設和雙層香薰石及杯墊等，為你帶嚟別樹一格嘅玩藝體驗。工作坊當日，hello會員只要喺場內即日以電子貨幣消費滿港幣500元（最多三張發票）即可換領工作坊體驗名額一個；滿港幣900元（最多五張發票）即可換領體驗名額兩個。除咗以上六個工作坊外，hello會員憑指定積分亦可換領限定體驗工作坊預留證一張。換領方法喺消費後，即日到山頂廣場地下賓客服務台換領工作坊入場證參加活動。名額有限，先到先得，換完即止。

另外，顧客與摯愛亦可以到最新打卡秘境嘅「GO Museum光影藝術館」體驗Cyber X2.0元宇宙主題，以視覺聽覺感受超凡感官之旅，一齊洗滌身心靈。

MALL樂哥