Kelly Online｜87歲羅蘭姐以身作則籲老友記齊打疫苗嘆疫情下「講對白都唔流利」

港聞

更新時間：20:28 2021-08-13 HKT
發佈時間：20:13 2021-08-13 HKT

羅蘭坦言疫情影響心情。衞生防護中心片段

疫苗接種計劃即將步入尾聲，距離接種中心提供第一劑疫苗的最後日期尚餘49日，目前全港有366萬人完成接種第一劑疫苗。衞生署衞生防護中心就邀請了年屆87歲的資深演員羅蘭拍攝宣傳片，以身作則接種疫苗，呼籲老友記齊齊打針，以令香港達致群體免疫。

羅蘭在宣傳片中，表示自己已經80多歲，無可避免有小毛病，但身體尚好。她表示，這次疫情對她影響很大，「唔知點解，心情麻麻哋，都影響我講對白唔流利。呢個病毒真係得人驚，無聲無色無味，你唔知幾時會嚟到你門口，只有樣樣小心，唔好睇輕佢」。

羅蘭接種疫苗前諮詢醫生意見。衞生防護中心片段

羅蘭續指，身邊教友和家人大部份已經接種疫苗，「反而好似我最遲打」。她坦言，打針前心情有一些緊張，「但一去到嗰個地方，即刻就無曬啲緊張，平時我打嗰啲流感針都係咁啦」。至於副作用方面，羅蘭稱很多人都說接種後會手臂疼痛腫脹等，自己則託賴沒有這個問題。

最後，羅蘭呼籲各位老友記接種疫苗，表示很多長者擔心疫苗副作用，但更應該要害怕的，是沒有接種而染病。接種疫苗不僅自己安心，家人也會安心，「好似一枱四方枱，四個人打麻雀，大家打咗大家都安心啲；如果有一個未打，其餘嗰啲打咗嘅，個心都會有少少忐忑㗎」。