陳國邦台灣陪拍真人騷羅敏莊興奮囡囡被讚專業

頭條日報-娛樂

更新時間：04:12 2016-02-05 HKT
發佈時間：00:00 2016-02-05 HKT

陳國邦和羅敏莊（Mimi）的3歲萌爆囡囡陳禛，向來表演欲強，每次出席活動必成焦點。近日Mimi帶她到台中為有線拍真人騷節目《帶阿B去旅行》，由於她話頭醒尾，被工作人員高度評價，大讚專業。而跟TVB有約在身的阿邦雖未能出鏡，但亦有同行，之後一家三口還繼續到宜蘭再玩，順道慶祝新年。
此行Mimi跟囡囡會在六天內前往清境、日月潭、埔里等多個地方拍攝，除了帶陳禛親親大自然外，更會一起參與多個工作坊，增加親子感情。原來這次已非陳禛首度出門，Mimi說：「佢半歲我哋已經帶佢去旅行㗎啦！」
拍完再玩過
　　雖然當地天氣跟香港一樣凍兼且落雨，不少室外行程都要改在室內進行，但無損他們一家三口興致，Mimi說：「呢度真係幾凍，我哋都無除過件褸呀！雖然天氣差，但我哋依然玩得好開心，陳禛都冇失望。佢仲畀工作人員讚，話佢好專業，叫佢打蛋整蛋糕，都做到晒要求，啲工作人員個個都好錫佢呀！」
　　阿邦雖然冇出鏡，但全程陪住妻女，令Mimi勁冧，「老公拍處境劇一拍就一年，唔行得開，所以我哋好重視今次旅行，本來我媽咪都一齊去，但佢啱啱大病完做咗化療，唔想佢咁操勞。我哋拍完仲會再落宜蘭同埋台北玩，順便探吓朋友，應該初二先至返嚟。預先祝大家新年快樂！人人都身體健康！」
撰文：杜淑霞