星8卦丨「模姐」嫁外省仔圖做歸家娘計錯數繼續被有錢人包養

更新時間：10:00 2023-05-05
發佈時間：10:00 2023-05-05

有時啲嘢唔好睇表面，尤其係娛樂圈，講下「模姐」呢位表面好幸福嘅人妻，當日錯愛「舞王」拖足十幾年都唔肯成家，「模姐」都無所謂，因為後期見到勢色唔對，抱住騎牛搵馬心態希望有好下場。

可惜最終分手係因為醜聞，搞到「模姐」仲要顧全顏面而唔敢即刻了斷關係。回復單身嘅「模姐」好搏，咁多年都得到一位有頑疾嘅「有錢人」照顧，除咗外相有問題，有錢人嘅老婆同二奶都好辣，「模姐」因為有型又靚女，高高瘦瘦好得有錢人歡心，所以好想成世包養佢。「模姐」明知係無結果，加上有錢人啲特殊廦好，令佢一直都想搵到好碼頭就分開，似番個正常人。

遇到「外省仔」時，「模姐」以為得到幸運之神眷顧，睇表面屋企有底，出身唔錯又見得人，唔駛半年就大埋肚，今次以為可以做賢妻良母，有錢人亦送上大禮賀佢結婚。點知嫁咗幾個月至知，「外省仔」虛有其表，老豆嘅家族已經無晒錢，佢亦希望借助「模姐」嘅名氣令自己有番啲生意。

貧賤夫妻百事哀，「模姐」要養老公同仔，唔駛一年就要搵番「有錢人」，「有錢人」一早知男家唔掂，由得「模姐」去嫁，無非都係等佢返轉頭，咁樣至可以令佢一世都飛唔甩，繼續被包養。