關禮傑攬妻女慶祝61歲生日 外貌凍齡獲讚撞樣C朗 仲有隱藏共通點!

更新時間:21:30 2023-02-09
發佈時間:21:30 2023-02-09

本月5日是關禮傑的61歲牛一,繼早前跟早他一日生日的張兆輝飛赴日本北海道滑雪慶生後,日前關禮傑再與家人開P慶祝,大女關楓馨於社交網貼出合照,今日便踏入28歲的關楓馨Sweet爆寫道:「水瓶座嘅兩父女。生日快樂爸爸,love you always!!」相中,關禮傑左擁右抱兩美人太太梁安娜(Anna)和愛女關楓馨,難怪笑得如此燦爛。雖然已年過六十,但關禮傑依然皮膚緊緻,保養得宜,有網民更加留言直指他與38歲的葡萄牙球星C朗拿度(Cristiano Ronaldo)撞樣!

【點擊睇關禮傑凍齡樣】:

當晚,關禮傑從後攬實太太同生日蛋糕來個合照,仔細一看,兩公婆仲穿上名牌情侶裝,相當恩愛。而熱愛足球的他更獲贈曼聯為主題的蛋糕,上面押晒韻寫着:「祝傑哥生日快樂,日日都咁Happy,有Fit到爆嘅Body,有使唔完嘅Money。」不過,關楓馨就搞笑地戴番頭盔補充:「大家唔好誤會,佢並唔係曼聯fans。」有網民則留言:「我覺得你daddy有啲似C朗。」其實關禮傑何止跟曾效力曼聯的C朗神似,兩人仲同月同日生,非常巧合!

【其他文章】:

十大中文金曲|港台小編疑失手公開分享「廢老」恥笑Post 譚詠麟入圍惹爭議

香港電影金像獎丨《飯戲攻心》獲11項提名 獨欠大佬黃子華兼二嫂鄧麗欣

香港電影金像獎丨《正義迴廊》入圍16項成提名王 蘇玉華首爭影后 男配林海峰有信心落選

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ