陳山聰客串做導遊介紹電視城拍攝景點：好多人都好奇我哋開工嘅地方

更新時間：16:30 2023-02-07
發佈時間：16:30 2023-02-07

出爐影帝陳山聰已經投入拍攝工作，不過日前他在社交平台上載了一段短片，惹嚟好多網民嘅討論，原來今次他趁住返電視城開工，客串做「導遊」帶大家參觀一下成日都會用嚟拍戲嘅外景：「好多人都好奇我哋開工嘅地方，今日就等我做導遊，帶大家重溫一下港劇嘅經典場景啦！」

【點擊睇陳山聰遊電視城】：

陳山聰先介紹TVB藝人同事嘅儲物櫃，之後又去咗成日用做醫院出入口嘅地方，跟住又去埋7樓製作部嘅大本營，當然仲去埋TVB嘅員工餐廳，無論是醫院的食飯戲還是警察部門食飯戲，全部都是在這裏拍攝：「我就好健康嘅，我通常都帶飯，但早餐同下午茶都會喺度食！」緊接到咗停車場，佢話同譚俊彥喺《十八年後的終極告白》嘅撞車，以及未播映的《隱形戰隊》中的槍戰戲份都在這裏拍攝，最後去咗天台參觀，順便睇埋民初街嘅景添！結果有好多網民留言話好想參加TVB導賞團：「場景費都省了」、「每個場景都很熟悉」、「想睇續集」、「叫TVB搞個入場費500HKD的電視城旅遊啦」、「建議曾生辦一個參觀TVB的旅行團，相信日日都會爆滿」、「收取門票費都好啊」。

【其他文章】：

72歲程可為約滿TVB自由身接job 坦認有一段時間心情好難過

黃夏蕙移居美國半年「回流」預告周四返港：等待係一種折磨

51歲藤原紀香近照曝光！和服Look仙氣逼人超凍齡曾傳唐季禮郭富城為她爭風呷醋

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ