45歲連登女神楊卓娜失眠跌Watt現老態?網民嚇窒驚嘆似64歲楊盼盼

更新時間:23:00 2023-01-30
發佈時間:23:00 2023-01-30

楊卓娜去年一口氣推出多部TVB劇,包括《美麗戰場》、《超能使者》、《輕功》及《有種好男人》等,她不但憑劇集《童時愛上你》的精湛演技入圍台慶「最佳女配角」最後十強,現年45歲的楊卓娜更憑Fit爆身材及一雙媚眼,在連登以2,300票撼贏逾1,200票的45歲謝安琪,成為連登仔的「人妻女神」!不過,一向Keep得勁好的楊卓娜日前於社交網分享的近照竟現老態!

【點擊睇楊卓娜跌Watt樣】:

 

憑煞食「女人味」俘虜網民心的楊卓娜,於本月初台慶頒獎禮前夕宣布確診,並謂除了耳仔及頸作痛,喉嚨更痛到似被刀割兼失聲,令一班粉絲大感心痛。早前變回「一線」女星的楊卓娜,康復後隨即投入工作,今日(30日)清晨又於社交網貼出外景自拍照,她寫道:「05:30通告,成晚瞓唔到,天氣又凍冰冰,梳化完,即刻食個靚早餐,me time 吓先!」相中,整晚失眠的楊卓娜不但驚現超大眼袋,面上還滿佈皺紋及老人斑,嚇到一班網民紛紛驚嘆:「做乜鬼老咗咁多」、「成晚瞓唔到好似老咗十年」、「差啲認唔到你」、「有幾分似楊盼盼」。

其實楊卓娜只是為拍文偉鴻監製新劇《奪命提示》而刻意畫上老妝。日前,她為拍另一齣劇《虛擬情人》苦練鋼管舞時,亦有拍下練習花絮照並上載到IG跟網民分享,楊卓娜留言:「年初六,新春運動日!準備咗咁耐,就係等今日!」相中的她穿上粉藍色緊身衫及短褲,大晒纖幼美腿,狀態大勇!見楊卓娜身貼鋼管擺出各種誘人姿態,首次接觸鋼管舞的她似乎跳得似模似樣,有網民睇見即大叫犯規:「人妻嚟㗎!唔可以咁大膽㗎!」、「真係好靚好有女人味」、「性感女神」、「好美的pose」。

 

【其他文章】:

何雁詩帶囝囝返溫哥華見婆婆下跪斟茶 Asher著熊仔裝雪地留影凍齡何媽媽似少女

麥玲玲爆老公耍「心計」撼贏其他追求者 曾言:你嫁阿邊個以後就住屋邨

梁競徽晒香港寓所180度無敵大海景 星級風水屋苑背山面海盛產視帝

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ