唐寧移居紐西蘭搵自我 爆喊剖白30年幕前生涯：唔認識自己
發佈時間：17:30 2022-12-16
童星出身的唐寧（本名：江麗娜）近年已淡出娛樂圈，2017年與舞台劇導演兼演員鄧偉傑離婚後成為單親媽媽的她轉型成為KOL，更開設YouTube頻道拍片搵食。11月時她於YouTube片中透露已移居紐西蘭，看來已無意再復出。昨日（16日）唐寧化身導遊介紹紐西蘭的景點，見她全程一腳踢又要主持又要拍片，非常不容易。而為了有更多效果，唐寧更挑戰極限韆鞦，她在韆鞦上一度爆喊。
【相關閱讀】：楊英偉移居奧地利獲再續3年居留證兼攞車牌 大讚價廉物美連養車都勁輕鬆
【點擊睇唐寧近況】：
唐寧挑戰成功後，在一旁平復心情，解釋爆喊是因為很感動。她稱由做童星至今已入行30年，外界都較熟識她的藝名「唐寧」，「自己由細做戲，『唐寧』呢個名、呢個身份亦都跟咗我好耐，其實有時我都會諗，『唐寧』同『江麗娜』有冇分別。『唐寧』成日都好似好開心，又介紹呢樣介紹嗰樣，都好似幾懂事。但『江麗娜』係點呢？我覺得好似連我自己都唔係幾認識自己，我認識嘅『江麗娜』其實好怕事，好多嘢都唔敢去做，或者會驚自己做得唔好，或者驚自己做唔好，或者做唔到咁。」
唐寧指自己缺少克服的勇氣，「有時會用『唐寧』去包住自己，當做返『江麗娜』時有幾多嘢，佢真係做到？」唐寧說到一半更哽咽，她自言決定到紐西蘭生活對她來說是踏出了很大一步，「我覺得除咗希望能為自己同身邊嘅人去安排一個更好嘅將來之外，我係好想去搵吓『江麗娜』係點。」唐寧表示相信自己可以在紐西蘭找到答案，又鼓勵大家如果有煩惱時，可以學她出走，或者可以更了解自己。
【其他文章】：
劉嘉玲飯友係百億名媛背景嚇親網民 哈佛畢業家族擁百年企業老公係銀行高層
《四千金》郭錦恩久未露面keep得勁好 豪門出身靠自己製作紀錄片獲獎無數
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
