太古城餐廳「1歲BB」要收茶錢！奇葩理由惹議 網民：為幾蚊竟可咁短視｜Juicy叮
更新時間：17:13 2023-08-16
發佈時間：17:13 2023-08-16
發佈時間：17:13 2023-08-16
字體大小
有港媽到太古城康怡一間餐廳用膳，埋單時手抱「1歲BB」竟被收茶錢，港媽非常詫異，侍應回應BB要收茶錢的理由更非常奇葩，引發網民熱議。
太古城餐廳收「1歲BB」茶錢 理由居然係咁...↓↓↓↓
該港媽在社交平台「飲食黑店大全(全港食店質素關注組)」FB專頁發帖講述事件，她抱1歲女兒與3名大人，到太古城康怡一間餐廳用膳，換言之，一行5人，4大(大人)1小(BB)。
港媽向侍應表示要4人梳化位，「佢(侍應)叫我坐5人梳化位，舒服啲。」
1歲BB收$6茶錢
到埋單時，港媽發現餐廳「竟然收5個人茶錢」，港媽在帖文中展示收據，茶錢部分標示5人，總共被收30元，平均每位茶錢6元。
港媽向侍應查詢，獲回覆1歲BB被收茶錢的理由，令她非常氣憤。【1歲BB被收茶錢理由，詳見上面圖輯↑↑↑↑】
事主：唔係幾錢嘅問題
港媽坦言，茶錢只是6元，她並不介意金額，不滿的是1歲BB被收茶錢的合理性，「唔係幾錢嘅問題，係我唔明點解呀B咁細個，都要佢錢嘅問題。」
而且，BB個位的餐具入座時被侍應收走，她們「入去時又唔一早講定，要到畀錢時先咁講。」再加上「我個女無用過/食過任何佢哋嘅嘢」，覺得有關餐廳做法非常不合理。
網民：一間食店真係可以幾短視
不少網民認同事主所言，認為餐廳收BB茶錢不合理，「為咗六蚊，一間食店真係可以幾短視。」「茶具都收走咗，點解仲可以計茶錢。」
不過，有網民則認為BB始終佔座位，收費無可厚非，「佔到人位就要計埋茶位係合理」，「各有各道理」，建議事主日後入座前要問清楚。
同場加映：九龍城酒樓「飲茶限時1個鐘」！奇葩規矩惹議 事主：點心未齊已被趕↓↓↓↓
九龍城一間酒樓的飲茶規矩近日引發熱議，該酒樓訂明「飲茶限時1個鐘」，就算茶客多亦最多只可飲茶個半鐘，引發網民熱議。
九龍城酒樓「飲茶限時1個鐘」 網民熱論咁應付｜點擊即睇↓↓↓↓
詳情瀏覽：九龍城酒樓「飲茶限時1個鐘」！奇葩規矩惹議 事主：點心未齊已被趕
相關熱話：
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最Hit
