一家三口搭廉航無加錢選座被拆散 上機見大量空位疑「故意拆散識嘅人」 網民反應兩極：做生意係咁
發佈時間：14:47 2026-08-20 HKT
不少市民外遊時會選擇廉價航空以節省開支，惟選座服務的爭議時有發生。近日，有網民與家人一家三口搭乘廉航航班時，因未付費預先選位而被安排分開乘坐，事主原先以為航班客滿故亦表原理解，未料上機後發現飛機上空位極多「得一半滿」，起飛前更有廣播提示可即時付費換位，質疑航空公司此舉是主動製造付費買位的需求，引起網民熱議。
一家三口搭廉航無加錢選座被拆散 上機見大量空位疑「故意拆散識嘅人」
事緣，有網民在社交平台Threads分享個人經歷，指自己與家人買機票時因想節省費用而未有預先付費選位。事主坦言，完全明白「想一齊坐就俾錢早啲揀位」的道理。當辦理登機手續時，地勤人員通知無法安排他們一家三口同坐，事主當時抱著「架機梗係好爆！」的想法接受安排，並認為短途機程分開坐「都唔係咩大事」。
然而，一登上飛機卻發現「成架機得一半滿」，且乘客集中在機尾，前中區域有大量空位。每排空置座位上更貼有提示，意思是「可以即時俾錢轉位置」，起飛前亦有廣播提醒乘客：「如果想同你嘅家人、朋友一齊坐，可以而家俾錢購買位置。」
面對一排排的空座椅，事主形容當刻「心裡面真係好訝異」，疑惑「點解唔可以安排返我哋一家三口坐？」。根據事主的描述，自己搭乘該航空公司「應該都超過20次」，卻是第一次遇到這種情況，坦言以往與朋友家人同行時，即使未有付費選座亦可被安排同座，「因為有咗呢啲經驗有咗前設，所以今次先會咁意外。」而且，事主認為在有大量空位的情況下安排同行者同坐屬「基本服務」範圍，質疑「係咪故意將識嘅人打散嚟坐」，從而製造付費選座，直言此舉「連少少待客之道都無」、「真係好唔客氣想要搵你錢！」
網民反應兩極：迫人加錢買位不合理VS做生意係咁
貼文公開後引發熱烈討論，網民意見呈現兩極。有支持事主的網民認為，航空公司在有大量空位的情況下仍刻意打散乘客極不合理，直指「有位分開就係好X有問題」、「為咗迫人加錢買位真係好難睇」。
然而，亦有網民力撐航空公司的營運模式，批評事主「度縮」，指「廉航本身就係提供最基本嘅服務，你仲想有乜嘢待客之道」、「呢個本來就係廉航嘅營運方式，你覺得佢好難睇，只係你唔明白呢個方式」、「一家三口180蚊，兩舊水都唔駛，全家去旅行慳兩舊水」，更有人笑言「唔打散你地坐咁又點會有人肯加錢買位呢？」、「講真差嗰幾十，唔係話一定要俾，但唔捨得俾就唔好講到自己好明事理又點點點咁啦！」
來源：Threads
延伸閱讀：杜絕「生人霸死地」？將軍澳Starbucks侍應疑巧妙出招趕齋坐客 網民齊讚撥亂反正！怒揭極無恥「扮幫襯」奇招
