沙田早晨│成哥家俊開會搏三駒
更新時間：15:40 2026-11-03 HKT
發佈時間：15:40 2026-11-03 HKT
發佈時間：15:40 2026-11-03 HKT
字體大小
沈集成剛戰憑「連連幸運」交出頭馬，對上谷戰亦有「驕陽雄心」得手，早前沙田亦憑「包裝戰仕」及「丙午傳奇」贏馬氣勢如虹，今次派七駒進攻，尤其「關鍵所在」、「莊家班」及「銳不可當」要加倍留意，原因今朝成哥一度捉住梁家俊傾談，商討三駒出擊大計。
暴風一族騎練傾好耐
「暴風一族」今朝出試桂福特跟到實，之後更同田泰安傾談好長時間。
「暴風一族」季內初出受阻僅輸個多馬位，上仗再一次受困，望空後加速力不強，而其實未轉入直路前田泰安已開始推騎，再睇上季又係經常跟尾跑，故今仗增程跑一哩很明顯乃對症下藥部署，更吸引今朝此馬出試桂福特跟到實，之後更同田泰安傾談好長時間。
一馬當先希斯食指動
今朝「一馬當先」到內圈出試之後，希斯聯同副練到機坪接馬。
「一馬當先」在港四戰全負，但曾於田草千二及千四追近，當中上仗只落後頭馬兩乘半，計算最後八百米段速，「一馬當先」還比頭馬快逾四線，估計今仗安排增程一哩必定合發揮，而今朝到內圈出試之後，希斯聯同副練到機坪接馬，之後並跟住馬匹返倉，鏡頭矚目。
輝灑自如輝哥睇到實
姚本輝今朝全程在欄邊睇實「輝灑自如」。
「輝灑自如」上季一出即勝，之後兩仗三甲不入，原因是氣管多痰及不良於行，來到今季，上仗揀谷草千二米復出，結果再啟勝門之餘，更輕鬆贏夠兩個半馬位，實力非凡升上三班肯定無阻力，睇埋今朝出圈前到機坪細圈熱身，當時姚本輝全程在欄邊睇實，值得追捧。
最Hit
