沙田早晨│「合夥飛馳」潘頓又首試
更新時間：16:55 2025-06-26 HKT
發佈時間：16:55 2025-06-26 HKT
發佈時間：16:55 2025-06-26 HKT
字體大小
「合夥奔馳」上周勝出三級賽精英盃，亦是本季最後一場級際賽之一，「合夥」系手風大順，今戰贏埋「合夥飛馳」絕對唔出奇。再講計牌面確人強馬壯，此駒上仗初出已拼獲亞軍，而潘頓更錫到佢燶，不論周一又或今朝出跳皆親身考驗，仲要這兩朝都是佢的首匹出跳馬。
「金駒永騰」阿湯多動靜
講開呂廄馬，亦要留意「金駒永騰」，因為希威森受傷，今仗將會改配湯普新。難得可以替呂健威效力，阿湯肉緊不已，今朝五點九現身晨課並非第一時間操馬，而是先係走到烽火台搵威哥傾談索取操練指示，接住就走去為馬匹出跳，更吸引之後又到烽火台搵多威哥一次。
「金駒永騰」(圖) 因為希威森受傷，今仗將會改配湯普新。(資料圖片)
