蔡天鳳碎屍案|鄺球認將蔡天鳳部分殘肢與青紅蘿蔔煮湯後扔垃圾站

更新時間:11:19 2026-11-19 HKT
發佈時間:11:19 2026-11-19 HKT

28歲名媛蔡天鳳(Abby Choi)2023年2月疑遭殺害後肢解烹屍,蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第41日審訊,鄺球第3日出庭自辯。控方引述鄺港傑的證供,案發當晚扔掉湯渣時見到有骨頭,鄺球回應「可能佢記錯咗啦,我記得係青紅蘿蔔,喂狗嗰啲」,更指「平時抌嘢都係拎住嘢抌,點會打開個袋入面睇」,補充道「可能佢自己記錯咗」。惟鄺球同意曾將蔡天鳳的一部分殘肢用蔬菜烹煮成湯後扔在垃圾站。

鄺球再三以「唔知點解」回應烹煮蔡天鳳原因 

主控資深大律師郭莎樂質疑,為何鄺球要烹煮蔡天鳳的屍體時,鄺球回應「我都唔知點解,諗唔到」。郭莎樂認為,烹煮人類屍體十分複雜,究竟為何要用此方法處理蔡天鳳的屍體時,鄺球指「當刻無諗呢啲嘢」。郭莎樂再次追問,為何鄺球要烹煮蔡天鳳的肉時,鄺球重複「其實自己都唔知自己做緊啲咩嘢喺當刻」,更表示忘記將蔡天鳳的屍體削骨剝肉的過程。

相關新聞:
蔡天鳳碎屍案|事前租龍尾村、凱旋門單位並添置工具 鄺球:「你可以講係巧合囉」

鄺:「自己都唔知自己做緊咩嘢」

郭莎樂續指,鄺球將蔡天鳳的肉切開一舊舊後放入湯煲,並加入蔬菜烹煮,鄺球回應「青紅蘿蔔嚟㗎,一早煮定咗係到,用嚟餵流浪貓狗,每日嘅習慣嚟㗎」。郭莎樂質疑,龍尾村單位的厨房內有一整袋切好、未煮的青紅蘿蔔,鄺球解釋「一切開就切曬佢」,方便烹煮餵流浪貓狗。鄺球被問及為何青紅蘿蔔湯內有蔡天鳳的殘肢時,鄺球回應「唔記得當時嘅情況啦」。郭莎樂直指鄺球「講大話」,他反駁「無講大話,因為自己都精神崩潰咗,自己都唔知自己做緊咩嘢」。

鄺港傑稱到垃圾站「抌青紅蘿蔔湯渣內有骨頭」

郭莎樂引述單位外的閉路電視片段,顯示在2023年2月22日凌晨時分,鄺港傑3度手提大垃圾袋在垃圾站附近,鄺球反駁指並非大垃圾袋,是由他購買的普通垃圾袋。郭莎樂質疑,他將青紅蘿蔔湯渣連骨頭放入垃圾袋,並由鄺港傑帶到垃圾站扔掉。鄺球即指「係抌啲青紅蘿蔔嗰啲啫」。郭莎樂反駁,青紅蘿蔔不是用於餵流浪貓狗,為何要扔掉。鄺球回應「拎去垃圾站位置餵流浪狗,因為嗰個位置最多流浪貓狗出現」。

鄺球指長子精神狀況不佳「記錯」青紅蘿蔔中有骨頭

郭莎樂引述鄺港傑的證供指,當晚扔掉湯渣時見到有骨頭時,鄺球回應「可能佢記錯咗啦,我記得係青紅蘿蔔,餵狗嗰啲,所謂蔬菜啦」,更指「平時抌嘢都係拎住嘢抌,點會打開個袋入面睇」,補充道「可能佢自己記錯咗,因為嗰時大家嘅精神狀況都唔係好」。郭莎樂直指鄺港傑3度駛到垃圾站扔湯渣,鄺球回應「幾多次我唔知啦,唔記得咗」。

同意曾將蔡部分殘肢與蔬菜同煮後扔垃圾站

郭莎樂直指,鄺球在2023年2月21日下午已開始切割蔡天鳳及烹屍,鄰居當時亦聽見電鋸的聲音,他在兩子離開單位後已按計劃立刻「開工」,蔡天鳳大部分的殘肢在當晚已被扔掉,他均不同意。鄺球另指鄺港傑「可能佢精神崩潰咗,根本記啲嘢亂曬龍」,惟同意曾將蔡天鳳的一部分殘肢用蔬菜烹煮成湯後扔在垃圾站,而且不同意是早已計劃的情況。他另沒有要求鄺港傑案發當晚在單位穿上雨衣及水靴協助處理蔡天鳳的屍體。

堅持絕無計劃殺蔡天鳳

鄺球早前提及租用凱旋門單位為供情婦居住,郭莎樂提問情婦當時住在銅鑼灣的租約什麽時候完結時,他回應「幾個月」。郭莎樂關注,凱旋門月租兩萬元、有不少租盤,情婦原居租約未完,理應無逼切性租下凱旋門,他回應「睇啱咪租囉」。郭莎樂直指,碰巧在蔡天鳳死前租用單位,質疑他有計劃殺死蔡天鳳,他反駁「係之前租嘅,但係無殺死Abby呢啲計劃」,更指「絕對係啦」。

稱讓幼子於凱旋門單位落腳免看蔡天鳳面色

郭莎樂關注,鄺球將凱旋門單位的租約及鑰匙交予鄺港智,鄺球確認並指蔡天鳳得知鄺港智在內地有女朋友後,要求鄺港智儘快回港,他認為「Abby一定會俾面色佢(鄺港智)睇,所以呢我就俾多個地點佢落腳」,郭莎樂表示鄺港智當時已回港約6、7個月,他補充「佢返咗嚟香港一段時間」,他從鄺港智聽説「Abby成日對佢用...用咩字啊...欺凌嘅字眼」,因此才將凱旋門單位的租約及鑰匙交予鄺港智。

否認知道鄺港智會殺蔡天鳳故預先租凱旋門供匿藏

鄺球不同意他知道鄺港智會殺死蔡天鳳而需躲藏才租凱旋門,郭莎樂直指鄺港智可在殺死蔡天鳳後,匿藏在凱旋門,並搭大飛逃往內地。鄺球表示,他被捕後從新聞得知「佢唔係搭大飛囉,係搭游艇返大陸囉」。

否認鄺港智以水路潛逃離港

控方指鄺港智以水路非法離開香港,鄺球表明「我唔同意依個講法,佢著草期間都經常落嚟香港睇下仔女」,而且多年來都自由進出香港。控方提到電話卡實名制後,鄺球其實毋須更改電話號碼,可繼續沿用原本電話號碼,質疑鄺球向電訊公司指明要新電話號碼。鄺球解釋指鄺港智「要求爸爸幫佢出張卡,咁咪幫佢出囉,個人需要呀嘛」,他否認曾向電訊公司指明要新電話號碼,電訊公司職員「俾張表我睇,叫我揀冧巴上台,我咪揀個冧巴」。

指鄺港智若「走佬返大陸」「公安拉你仲快過香港」

鄺球辯稱,他在蔡天鳳死亡前已為鄺港智申請新電話卡及把電話卡交予鄺港智。控方指出,龍尾村單位內有沾有鄺港智指紋的電訊公司文件,故鄺港智是在蔡天鳳死亡前、鄺港智潛逃前取得新電話卡;鄺球回應:「唔同意你咁樣嘅推論」。控方又指,鄺球為鄺港智租凱旋門單位及辦理新電話卡,均是巧合地為協助鄺港智潛逃舖路,鄺球稱:「巧唔巧合,見仁見智去睇依件事」,反駁辯方指「你成日話(鄺港智)走佬返大陸,大陸公安拉你仲快啦,快過香港」,「根本無依啲咁嘅計劃」。

鄺球三父子被控謀殺及阻止合法埋葬屍體罪

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日,在大埔汀角路龍尾村56B村屋地下內謀殺女子蔡天鳳,並在2023年2月21日至23日期間,於同地阻止合法埋葬蔡天鳳的屍體。三人否認謀殺罪,但承認阻止合法埋葬屍體罪。

本案以英語進行,由暫委法官祁彥輝(Brian Keith)審理,控方由外聘資深大律師郭莎樂(Charlotte Draycott)、高級助理刑事檢控專員梁育珩、高級檢控官林曉敏及吳希樂、檢控官尹培軒代表,鄺港傑由大律師Trevor Beel代表,鄺球由大律師戴偉奧(Oliver Davies)代表,鄺港智由大律師安華暉(Andrew Raffell) 代表。

案件編號:HCCC198/2025
法庭記者:劉曉曦 黃巧兒