蔡天鳳碎屍案|鄺球稱從未與蔡天鳳因物業口角 租龍尾村屋因清靜空氣好

更新時間:15:55 2026-11-17 HKT
發佈時間:15:55 2026-11-17 HKT

28歲名媛蔡天鳳(Abby Choi)2023年2月疑遭殺害後肢解烹屍,蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第39日審訊,鄺球作供指從未與蔡天鳳因物業而口角,蔡天鳳於海南購買物業後曾用自己名義登記,因為「我飛來飛去方便啲囉處理呢啲嘢」。鄺球提到自己身體不佳,憶述案發前「去到龍尾村附近,覺得嗰個地方環境都清靜啦,空氣又好,可以做運動,亦都有沙灘可以游水」,遂租用龍尾村村屋。

除2022年中就重男輕女問題護妻與蔡天鳳爭執外 

鄺球回想2022年中,與譚方駿、鄺港傑在加多利山單位客廳看電視時,「Abby入咗去X(幼女)嗰個睡房⋯⋯幾分鐘後啦,我喺廳度聽見Abby同我太太鬧交」,鄺球續道相信是為了餵孫女的事宜,「佢好大聲鬧我老婆,就話重男輕女咁嘅說話。我入咗去呢間房度,睇下發生咩事,喺房度見到Abby繼續喺度鬧李瑞香,好大聲。我為咗維護我太太,我就話重男輕女都唔使咁大聲鬧,大家都有、佢又有話返我啦⋯⋯我有用粗口鬧佢」,期間曾用手指戳對方肩膊。鄺球坦言當時感到「嬲」,譚方駿鄺港傑拉開自己,「咁我咪換衫走囉,離開單位,冇睬佢哋啲人,返返尚文苑」,鄺球補充惟此前此後都從沒有和蔡天鳳產生口角。

從未因物業事宜與蔡天鳳口角

鄺球指從未和蔡天鳳因物業而口角,提到蔡天鳳與譚方駿結婚時,「因為Abby好早期想喺海南度買物業作投資用途,Abby就叫我可唔可以幫一幫手處理物業,同埋用我個名做呢個物業業主喺海南」。鄺球交代物業由蔡天鳳付款,被問及何以用其名義登記,鄺球解釋「信任囉大家,因為我成日都喺大陸㗎嘛,我飛來飛去方便啲囉處理呢啲嘢。過咗幾年,事後Abby話物業賺咗錢要賣咗呢個物業⋯⋯張燕花介紹賣家」,出售物業後「將錢存入我大陸銀行戶口嗰度,由張燕花提供2、3個大陸銀行戶口,叫我將賣樓得返嚟嘅錢入返落呢2、3個大陸銀行戶口度」,款項合共約300萬元人民幣。

覺龍尾村環境清靜空氣好故透過地產代理租屋

鄺球交代其罹患糖尿病,2020年曾因心血管堵塞接受「通波仔」手術,置入了4個支架,每3個月要覆診1次,醫生建議控制飲食及多做運動,而且2022年曾經「生蛇」。鄺球憶述2023年參觀完大埔慈山寺後,「我就喺附近行、散步,去到龍尾村附近,覺得嗰個地方環境都清靜啦,空氣又好,可以做運動,亦都有沙灘可以游水」。鄺球又提到「大尾督停車場嗰度有個燒烤場可以行啦,船灣嗰度有水壩亦都可以行。我經常返大陸㗎,由大陸返大陸車程好近㗎啫,好方便」,而且「尚文苑嗰個單位呢太細個喇,唔方便,同埋有時Damon帶女朋友返來」,遂透過地產代理租用龍尾村單位。

向業主稱兒子海外歸來「我自己私隱咪敷衍佢講」

鄺球續指租用龍尾村村屋時,向業主稱兒子從海外歸來,九龍單位太小,遂租用龍尾村村屋,「呢啲係我自己嘅私隱來,咪敷衍佢求其搵啲嘢講下囉」,另交代雖打算與李瑞香同住村屋,「但我太太唔太鍾意啲村屋,可能久唔久來住一日,佢住慣加多利山,同埋睇住啲孫」。

計劃於屋外設竹製圍欄並冷藤植物

鄺球憶述與業主溝通時問及單位裝修,「喺村屋出面有個area,可以整個圍欄,可以喺圍欄入面燒嘢食又得同朋友,可以多個私人空間」,至於「屋內隨便點裝修都得」,只不可以鑽牆。鄺球續指對方提供了2個星期免租裝修期,遂打算「喺屋出面自己用竹整個嗰啲圍欄啦,喺竹表面種嗰啲冷藤嘅植物;單位裡面睡房天花板噴啲紙摺(紙模)嗰啲彩畫」。戴偉奧問到有否其他裝修計劃,鄺球答「冇喇」。

鄺球託鄺港智借七人車搬傢俬與裝修工具到龍尾村

鄺球指租用單位後,為搬運裝修工具及傢俬回龍尾村,「所以問Alex可唔可以借架七人車用下咁呀,佢話佢班朋友有車,佢負責同人借」,由鄺港傑接載自己取車。鄺球交代在內地有1部勞斯萊斯及1部七人車,車輛在澳門登記,用於往返內地,「Alex用得多啲囉」,鄺港智想載子女及朋友赴澳及內地。

被控謀殺罪

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日,在大埔汀角路龍尾村56B村屋地下內謀殺女子蔡天鳳,並在2023年2月21日至23日期間,於同地阻止合法埋葬蔡天鳳的屍體。三人否認謀殺罪,但承認阻止合法埋葬屍體罪。

本案以英語進行,由暫委法官祁彥輝(Brian Keith)審理,控方由外聘資深大律師郭莎樂(Charlotte Draycott)、高級助理刑事檢控專員梁育珩、高級檢控官林曉敏及吳希樂、檢控官尹培軒代表,鄺港傑由大律師Trevor Beel代表,鄺球由大律師戴偉奧(Oliver Davies)代表,鄺港智由大律師安華暉(Andrew Raffell) 代表。

案件編號:HCCC198/2025
法庭記者:陳子豪 黃巧兒