蔡天鳳碎屍案|鄺球下午出庭作供:曾匯款3千萬元予蔡天鳳購買加多利山 「個單位業主用我名」

更新時間:12:31 2026-11-17 HKT
發佈時間:12:31 2026-11-17 HKT

28歲名媛蔡天鳳(Abby Choi)2023年2月疑遭殺害後肢解烹屍,蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第39日審訊,鄺球下午出庭作供。鄺球透露,他在内地經營地產生意及餐飲業,其後將賺取的利潤「匯返來香港畀Abby」作置業用,強調他「匯過大約3000萬」予蔡天鳳。最後蔡天鳳購入加多利山單位,而「個單位業主用我名」。

鄺球下午身穿黑色外套及深色長褲出庭,宣誓後開始作供。大律師戴偉奧主問下,鄺球交代現年69歲,任職警務人員時,2001年在內地珠海成立毅力地產公司,經營買賣物業及租售服務,數年間賺取了至少500萬元,其中一半「寄咗返香港」,又用利潤買了3個物業,價值合共400多萬元。鄺球由於利潤比擔任警員收入高,故於2005年辭任警員,2009年再到廣州經營餐飲生意,開設思思茶餐廳,2年間先後再開設1間分店及1間思思點心專門店餐廳,3間餐廳每月營收合共24至28萬元人民幣,其後又買賣文物及家傳之寶等。

鄺球指蔡天鳳同意一同儲蓄在港買樓

鄺球憶述2014年鄺港智及蔡天鳳提議在香港置業,供2名孫兒居住,當時鄺球回應「買樓嘅話呢,大家一齊去儲錢買樓」,其後雙方一同儲蓄,「我負責將做生意賺啲錢匯返來香港畀Abby⋯⋯廣州嗰啲錢莊畀人民幣佢,兌換返港幣,喺香港啲找換店嗰度叫Abby提取返啲現金」,「匯過大約3000萬」。鄺球續指置業時「我畀錢佢,佢負責keep住啲錢,佢同Alex儲錢,儲夠錢喇,Abby負責去睇樓,佢做買賣物業嘅程序」,而自己沒有參與買樓。鄺球指最終蔡天鳳購入加多利山,以鄺球名義登記。鄺球解釋「因為Alex 同Abby大家商量過,個單位業主用我名,而Abby呢本身係有持有物業喺香港,而我本人喺香港係冇物業」。

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日,在大埔汀角路龍尾村56B村屋地下內謀殺女子蔡天鳳,並在2023年2月21日至23日期間,於同地阻止合法埋葬蔡天鳳的屍體。三人否認謀殺罪,但承認阻止合法埋葬屍體罪。

本案以英語進行,由暫委法官祁彥輝(Brian Keith)審理,控方由外聘資深大律師郭莎樂(Charlotte Draycott)、高級助理刑事檢控專員梁育珩、高級檢控官林曉敏及吳希樂、檢控官尹培軒代表,鄺港傑由大律師Trevor Beel代表,鄺球由大律師戴偉奧(Oliver Davies)代表,鄺港智由大律師安華暉(Andrew Raffell) 代表。

相關新聞:
蔡天鳳碎屍案|鄺港傑稱不見弟用武器攻擊蔡天鳳頭部 不知傷勢由何人造成
蔡天鳳碎屍案|龍尾村閉路電視下行為正常伸懶腰 鄺港傑:強裝鎮定「唔知做緊啲咩」

案件編號:HCCC198/2025
法庭記者:陳子豪 黃巧兒