蔡天鳳碎屍案|鄺球買14寸大湯煲 鄺港傑:佢有情婦,唔知會唔會開大食會

更新時間:13:02 2026-11-16 HKT
發佈時間:13:02 2026-11-16 HKT

28歲名媛蔡天鳳(Abby Choi)2023年2月疑遭殺害後肢解烹屍,蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第38日審訊,鄺港傑第6日出庭作供。控方問及,鄺港傑與鄺球一同前往上海街購買物品時,有沒有想到鄺球欲購入的物品比較奇怪,鄺港傑表示「唔奇怪」。控方質疑鄺球自住但買14寸大型湯煲,鄺港傑稱他「暗地裏知佢(鄺球)有情婦,會唔會開大食會,我唔知」。

父親有情婦 買大湯煲或開大食會

鄺港傑供稱,他當時為了幫鄺球節省時間,與鄺球一同前往上海街購買一系列物品。控方問及,鄺港傑有否對鄺球欲購入的物品感到奇怪,鄺港傑稱:「唔奇怪,(購買物品)好似隔離屋咁,整門口圍欄」。控方提到,油麻地上海街廚房用具店女職員早前作供指,鄺球於2023年2月8日到店購買了絞肉機、14寸大湯煲、15寸圓形砧板以及一個11寸炸篩,總值8,700港元。鄺港傑其後到店,協助鄺球把絞肉機等物品搬上車。

控方指出,鄺球自住卻購入14寸大型湯煲,情況特別而且不尋常。鄺港傑供稱:「睇下平時點煮嘢」,他「暗地裏知佢(鄺球)有情婦,會唔會開大食會,我唔知」。控方質疑鄺球是否想在入伙時全村大排筵席,鄺港傑則指他沒有問及鄺球的購物目的,他到上海街時只見鄺球以推車把一堆物件「推緊過嚟」,他當時只稱「你買咗咁多嘢」,但沒有逐一問及為何購入該些物件。鄺球當時只知該些物件「自己用」或「幫朋友買」。

 鄺港傑表示知道父親有情婦,買大湯或開大食會。
鄺港傑表示知道父親有情婦,買大湯或開大食會。
鄺球。
鄺球。
蔡天鳳。IG圖
蔡天鳳。IG圖

鄺球購入絞肉機、大湯煲、砧板及炸篩時,鄺港傑指他當時看到絞肉機沒有包裝,不確定該物件是否絞肉機,「(職員)姐姐推出嚟,有個機,有個煲,就係咁上下」,而他沒有看到炸篩及砧板。控方質疑一般家庭不會購買11寸大炸篩,他堅稱他沒有見過炸篩,又稱他「我無諗過要記得當日嘅嘢」。

反駁與鄺球包辨毀屍滅跡工具:「繩索冇用過」

廚房用具店女職員早前供稱,鄺港傑到店協助鄺球把絞肉機搬上車,鄺球問女職員「有無碎骨機賣?」,女職員便向兩人展示不同型號食物處理器的單張,鄺港傑問及「點嘅樣㗎?」、「想睇下」,鄺球問及「可唔可以連啲骨都可以碎?」,但鄺球得知碎骨機約3.5萬元後指「太貴」,轉述予鄺港傑後鄺港傑亦表示「好貴呀」,兩人便離開店舖。鄺港傑質疑女職員「記錯」,他當時只知女職員展示昂貴機器的單張,但不知是什麼機器。

鄺港傑重申當時沒有向女店員查問過碎骨機,郭莎樂於庭上播放閉路電視片段,顯示鄺港傑父子在刀店外交談,鄺港傑雙手由下而上劃了大圓形,之後舉右手向下揮。郭莎樂指鄺港傑雙手示意大湯鍋,鄺港傑否認指「相信一定唔係煲囉嗰刻」,惟「太仔細喇,幾年前嘅細節唔記得喇」,解釋當時向鄺球指「你有咩要買你買咗先」,有需要的話自己再幫鄺球買。郭莎樂問及鄺港傑右手下揮動作何解,鄺港傑同樣指「唔記得喇」。郭莎樂指出巧合地鄺球隨即進店買了1把牛肉刀及1把菜刀,鄺港傑回應「叫咗佢買佢要買嘅嘢囉」、「唔係買來for屋㗎呢個刀,佢話幫朋友買囉」。

郭莎樂指案中毀屍滅跡所需物品均由父子2人一同於上海街購得,鄺港傑反問「畫面顯示我算唔算我都有份買呀?」郭莎樂指當然有份,鄺港傑認為「by item,呢個刀唔係我買」。郭莎樂再指2人所買物品均用於毀屍滅跡,鄺港傑反駁指其購入繩索「冇用過嘅全新嘅」。

相關新聞:
蔡天鳳碎屍案|寫信予胞弟「夾口供」指控鄺球殺蔡天鳳 鄺港傑:以為係最少嘅損失 
蔡天鳳碎屍案|三周前去信鄺港智講明指控對方殺人 鄺港傑:叫佢講真相,大話唔work

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日,在大埔汀角路龍尾村56B村屋地下內謀殺女子蔡天鳳,並在2023年2月21日至23日期間,於同地阻止合法埋葬蔡天鳳的屍體。三人否認謀殺罪,但承認阻止合法埋葬屍體罪。

本案以英語進行,由暫委法官祁彥輝(Brian Keith)審理,控方由外聘資深大律師郭莎樂(Charlotte Draycott)、高級助理刑事檢控專員梁育珩、高級檢控官林曉敏及吳希樂、檢控官尹培軒代表,鄺港傑由大律師Trevor Beel代表,鄺球由大律師戴偉奧(Oliver Davies)代表,鄺港智由大律師安華暉(Andrew Raffell) 代表。

案件編號:HCCC198/2025
法庭記者:劉曉曦 陳子豪