蔡天鳳碎屍案｜鄺港傑指蔡天鳳沒有任何反應 「可能佢已經過咗身」
發佈時間：11:47 2026-11-12 HKT
28歲名媛蔡天鳳（Abby Choi）2023年2月疑遭殺害後肢解烹屍，蔡天鳳前夫鄺港智、前家翁鄺球、前夫兄長鄺港傑否認謀殺罪。案件踏入第36日審訊，閉路電視片段顯示鄺港傑和鄺球各自駕駛七人車到龍尾村村屋門外，鄺港傑隨鄺球搬膠箱，鄺球再登上案發七人車。鄺港傑坦言當時腦海「好似一片空白咁樣」，意識到鄺球「可能想將Abby擺落個箱度，搬咗入屋先」，蔡天鳳沒有任何反應，故認為「我會諗可能佢已經過咗身，死咗」。
意識到鄺球「想將Abby擺落個箱度」搬入屋
閉路電視片段顯示鄺港傑偕鄺球各自駕駛白色七人車到龍尾村村屋門外，以相反方向並排停泊，鄺港傑下車後隨鄺球走到VY七人車車尾，鄺球打開車尾門，鄺港傑見到車內有2個叠放膠箱，上有大膠袋，鄺球著鄺港傑拿著膠箱，搬到屋門外。鄺港傑坦言「啱啱15分鐘發生咗好多事，我依賴住爸爸，好似follow住佢，佢做啲咩跟住佢做」，腦海中「好似一片空白咁樣、當機咁樣」。
鄺港傑憶述鄺球入屋除下深色外套後，叫自己將膠箱搬到AA七人車旁。閉路電視片段續顯示鄺港傑和鄺球再在VY七人車車尾取出膠箱蓋，走到AA七人車車身打開中門，鄺球登上車廂，吩咐鄺港傑在車外等。鄺港傑當時與鄺球「冇溝通過，但嗰刻嘅意識我猜測到⋯⋯可能想將Abby擺落個箱度，搬咗入屋先，再諗後續」。
鄺港傑指蔡天鳳無任何反應 估計已死
鄺港傑然後登上司機位觀察車廂，當時「Alex嗰時心情冇咁、咁、咁崩潰，但係個人都好呆滯咁樣」，惟不記得鄺港智當時坐在座位上還是車廂地下，而由於車廂空間狹窄，3人同時身處其內，加上車上窗簾，故鄺港傑視線受阻，只見蔡天鳳倒臥在地，「見唔到個樣」。鄺港傑觀察蔡天鳳在過去半小時均「目擊唔到察覺唔到任何反應」、「在生你會有呼吸有盛㗎嘛，佢冇反應」，因此「當刻我會諗可能佢已經過咗身，死咗」。
庭上播放龍尾村單位外的閉路電視片段，顯示鄺港傑在七人車旁手持電話徘徊。鄺港傑的通訊記錄顯示下午3時17分曾致電李瑞香，惟李瑞香沒有接聽電話，且鄺家人沒有慣性用電話留言功能，因此鄺港傑沒有留言。片段另顯示，鄺港傑其後打開AA七人車的駕駛座車門。鄺港傑解釋「我想望下入面究竟係咩情況，車廂入面嘅情況」，惟「我乜都見唔到」，因當時鄺港傑已「塞咗膠箱入去」並放在座椅上，因此遮擋了部分視線。
鄺球以薄被包裹蔡天鳳再「瀡咗入膠箱入面」指示鄺港傑搬箱入屋
鄺港傑今日回想時，已不記得鄺港智當時身處座位或地下，而鄺球則立於中排座位前，蔡天鳳則繼續倒臥地上，惟不記得頭腳方向。閉路電視片段顯示期間鄺港智曾下車，換成鄺港傑從中門上車，鄺港傑今指「想睇下爸爸咩狀況」，當時鄺球從後排取來「俾平時小朋友冚住瞓覺嘅薄被鋪，嘗試包裹住Abby」。閉路電視片段顯示鄺港智曾開車門與車中人交談，鄺港傑指「應該同我講緊嘢，但我忘記咗個對話」，閉路電視片段可見鄺港智關上車門再抽煙，鄺港傑再搬膠箱下車，其中膠袋已經取出並放於車內。鄺港傑解釋由於車中膠箱「好大嚿好阻碇，爸爸叫我搬走個箱先」。
閉路電視片段再顯示鄺港傑先致電，2兄弟再靠近交談，鄺港傑今交代當時多次致電李瑞香仍無人接聽，而自己「好騰雞，嘗試喺度扮同佢傾偈，開始有啲語無倫次㗎喇已經」。片段顯示2兄弟走到2架車中間，分別打開車前門及中門，鄺港傑指當時看到「用被鋪包裹嘅物體，我覺得係Abby來」，而鄺港智打開前門「我估係遮住個視線啩」。「爸爸思考咗一陣之後呢，思考點樣將個被鋪放落膠箱度」，鄺港傑續指鄺球「將被鋪即係Abby瀡咗入個膠箱入面，爸爸跟住落地下，指示我搬起個箱，跟住佢去屋入面嘅方向」，將膠箱放在屋內大門左邊。
相關新聞：指蔡遇襲後披頭散髮癱臥車上 鄺港傑稱：我至少應報警或call白車
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，但承認阻止合法埋葬屍體罪。
本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴偉奧(Oliver Davies)代表，鄺港智由大律師安華暉(Andrew Raffell) 代表。
案件編號：HCCC198/2025
法庭記者：陳子豪 黃巧兒
