蔡天鳳碎屍案｜蔡母認丈夫欠巨債仍養鄺家 指鄺家是吸血鬼

28歲名媛蔡天鳳（Abby Choi）2023年2月疑遭殺害後碎屍肢解，蔡天鳳前夫鄺港智、前家翁鄺球、前夫兄長鄺港傑被控謀殺及阻止合法埋葬屍體罪。案件踏入第12日審訊，辯方質疑蔡天鳳繼父蔡楚生不善經營致欠債龐大，蔡母張燕花回應承認「我大概都知啲」，直指鄺家「呢個吸血鬼一蚊都無俾過養細路仔」。辯方關注，既然入不敷出為何當時張燕花仍向鄺家提供金錢支援，張燕花指「咁佢當時係我女婿吖嘛」、「我就係太過愛錫佢地」，形容鄺家是「畜生」。

每月到兌換店領丈夫支付過百萬生活費

代表鄺球的大律師戴奧偉關注，張燕花於2010至2019年在黃埔花園居住的單位是其丈夫蔡楚生購入，當蔡楚生購入單位時是否有按揭還是以全額現金支付。張燕花回應「當時一次過比錢」、「我知道係全款，當時所有嘢係先生簽」，強調是蔡楚生全款一次性支付購買黃埔花園單位的費用，根本沒有按揭「係一次過轉賬」。辯方關注，張燕花提及蔡楚生每月支付過百萬元予家庭作生活費，張燕花確認該些金錢「我地啲錢都係去兌換店」，並由自己到兌換店取現金，因此沒有銀行記錄。

照顧嘅人多 俾呢個俾嗰個

辯方質疑，張燕花如何使用蔡楚生每月支付的過百萬元，張燕花回應「我照顧嘅人多，俾呢個俾嗰個」，因此沒有將金錢存入銀行「我真係幾乎都無入銀行」。辯方關注，每月開支為何會如此龐大，張燕花回應「唔係每一個月都用曬，有工人、厨師，買餸，細路仔讀書」，更指「有時請呢個，請嗰個」，補充蔡天鳳的子女後來到英國留學。

我屋企兄弟姐妹多 生活費有時無剩

辯方問聘請工人及厨師的費用，張燕花指「萬幾、二萬」，又稱「咁兩個孫都要凑㗎嘛，要俾工人錢」。辯方表示，即使要支付工人及學費等開支，每月亦只不過約10萬，蔡楚生每月支付的過百萬元理應有剩餘。張燕花回應「我屋企兄弟姐妹好多，我唔係淨係顧自己㗎」，會為家族提供經濟支持，因此生活費「有時無剩」。

蔡母否認丈夫借貸：每月都有一百幾十萬生活費

辯方關注，蔡楚生有否向財務公司借貸，張燕花表示沒有，更指蔡楚生「每一月都有一百幾十萬」給她作生活費，「佢管出面，我管屋企㗎嘛」。辯方引述土地註冊處文件指，黃埔花園於2010年9月被以625萬元購入，並在2019年12月以1228萬元售出，文件顯示蔡楚生曾為單位多次申請按揭貸款，惟張燕花卻供稱沒有按揭。張燕花改口「當時....呢到有按揭，600幾萬買，當時先生個名」，指「呢啲之前係先生簽㗎嘛，唔係我本人簽」，表示「知道夠錢買層樓，佢簽名㗎嘛」。

丈夫有能力仍按樓借款？ 蔡母：周轉做生意正常 

辯方續指，蔡楚生在2012年9月以黃埔花園單位向靄華押業信貸有限公司申請按揭貸款，若蔡楚生生意賺大錢，為何要按揭物業。張燕花回應「佢要周轉做生意都正常」。辯方關注，張燕花是否認識靄華押業信貸有限公司，張燕花指「呢個係我先生簽嘅嘢，你問我都係多餘」，又指「翻去大陸賺多啲錢，按呢啲都正常」。辯方表示，但靄華押業信貸有限公司的利息十分高，張燕花再次表示不清楚。

指丈夫當蔡天鳳親生女痛錫「幾十萬幾十萬咁俾」　

辯方指出，在2013年單位再度借400萬元按揭貸款，張燕花稱「按有咩問題」，更指「養咁多人，養細路仔，養兄弟姐妹，呢個吸血鬼（鄺家）一蚊都無俾過」。辯方提及，蔡楚生的借債越來越深，張燕花指「我覺得賣樓又好，按樓又好，呢啲佢個人需要嘅嘢」。辯方質疑，蔡楚生並非成功商人，他生意失敗導致債務龐大，張燕花反駁「唔好咁樣抹黑喎，幾多年前都開3間酒樓，都賺2、300萬」。辯方指蔡楚生似乎沒有賺很多錢，張燕花反稱「你覺得佢賺幾多錢要講你聽咩？」，又指「海南真係賺錢」。而蔡楚生每次回港，都會「幾十萬、幾十萬咁俾」蔡天鳳，「 佢好錫（蔡天鳳），當正親生女兒」。

自言太愛錫鄺港智：佢開親口我都俾，要乜都買

辯方質疑蔡楚生為何不還債，而要不斷給錢蔡天鳳，問張燕花為何不要求丈夫暫停給錢蔡天鳳，張燕花回答：「識我嘅人都知我係好幫人嘅人」。辯方質疑張燕花是否把過百萬生活費的九成均用來幫人，張燕花指「淨係鄺港智一個人都用我好多錢啦」，她指「佢都無錢，佢買咩都要我買，佢開親口我都俾，要買乜我都買」。辯方問她為何要幫鄺港智時，她指「咁佢當時係我女婿，子女都同佢養啦」，補充指：「我就係太過愛錫佢哋，一蚊都無還，佢話愛阿囡」。

稱幫人不求回報 「呢個畜牲我都幫啦」

辯方指當時張燕花其實每月沒有獲得過百萬元生活費，張指「我有兌換店單據」，張指：「我個個親戚朋友都幫，呢個畜牲我都幫啦」、「我都唔」求回報」。辯方指張燕花的口供從沒提及她需供養及協助親戚朋友，她指「幫人洗乜講」。張燕花又提到鄺家「兩個細路仔奶粉錢一樽都無俾過」，當鄺港智母親李瑞香照顧孩子時，「買餸都要我買餸過去，佢（李瑞香）有人工攞」。

昨日重點：蔡母指鄺港傑擦鞋、扮可憐 借200萬元開雞蛋仔舖蝕錢結業

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。

本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴奧偉(Oliver Davies)代表，鄺港智由大律師安華暉(Andrew Raffell) 代表。

案件編號：HCCC198/2025
法庭記者：劉曉曦 黃巧兒