西灣河無人生果檔自投錢幣 網民覺牙煙：對市民咁有信心？｜Juicy叮
發佈時間：07:00 2023-02-20
一檔無人生果檔在西灣河營業，售賣的生果包括珍珠蜜棗、番薯乾、秋月梨、南非橙、澳柑、紫番薯、石榴、金桔等，明碼實價，除紫番薯（1包10元，2包15元）和金桔（15元）外，其餘全部每款10元，檔旁附設收銀箱，列明「不設找續，請自投錢幣」。
網民查問位於西灣河那個位置，街坊回應指實際地點為「佳寶對面、附近電訊數碼」、「海寶酒樓旁」，並指「次次經過都有人拎上手睇」，更有人表明「有買過蕃薯乾，幾好食」。有網友則指「生果好平，品質不錯」，另有人承諾「得閒去幫襯下，感覺幾好。祝生意興隆！」。
無人生果檔實況及網民回應：
回應的網民提出建議，認為「收銀箱不理想，加固吧！祝你好運！」。另有網民反問老闆「對市民咁有信心？」、有人覺得「呢區嘅民度未去到可以整無人商店」，另有人舉例指「餐廳門口d貨都時常有人偷喇！」。
有網友認為無人檔「原意係好，但好多貪心人，這做法好比挑戰人性極限」、「人性嘅考驗」，並指「世上好多貪心的人，呢間舖個老闆天真得誇張」。
另有人指「人性醜惡，不代表善良係錯，唔好本末倒置。當然心底裏係想呢件事成功嘅，但開得呢d，就預咗會有壞人不守規矩。金錢損失事小，希望店主遇到壞人時唔好太唔開心啦」。
帖文來源：筲箕灣西灣河關注組
同場加映：
粉嶺居屋追「5仙」管理費 點交搲爆頭？大律師神教路
有粉嶺居屋「山麗苑」住戶在網上發帖，指遭管理公司出信催交拖欠「5仙」管理費，「5仙」硬幣在89年已停止流通，點樣交引來網民熱議，大律師陸偉雄接受《星島頭條網》記者查詢，教「一招」妥善處理「5仙」管理費。
「催繳管理費通知書」在本周三（15日）發出，在網上瘋傳。點交搲爆頭？網民紛紛交路：「俾一毫子跟住要佢找錢。」「我就畀張一千蚊要佢找錢。」「找唔出學咩人收。」「好奇佢嗰五仙到底係點計出嚟，正常電腦會自動四捨五入。」
點解會欠交「5仙」？點交「5仙」管理費？大律師神教路↓↓↓↓
居屋山麗苑位於粉嶺龍馬路88號，與鄰近的皇后山邨屬於同一個項目。
根據房委會2021年中的資料，山麗苑有6座共3222個單位，建議管理費介乎480至775元。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
