Juicy叮｜父子街頭MMA 老豆擸拖鞋激戰囝囝連環劈拳 粗口互轟
更新時間：06:35 2022-12-14
發佈時間：12:35 2022-12-10
發佈時間：12:35 2022-12-10
字體大小
網上有父子街頭MMA的影片瘋傳，有老豆在街上擸拖鞋與年幼兒子激戰，雙方各不相讓，期間不斷用「X家剷」「X你老母」「X街」等粗口互轟，令人側目。
【直擊父子街頭MMA｜全過程對話逐格睇↓↓↓↓】
影片未有標示時間及地點，從影片估計現場似為村屋，泊滿共享單車。有網民指事件在香港發生，但有網民則懷疑事件在內地廣州發生。
影片全長近兩分鐘，開始已見一名約十歲小童與頭髮斑白的父親互相打鬥，父親一邊大喊「你個X家剷呀」，一邊手執拖鞋還擊，大力揮打，小童則同樣以「你個X家剷呀」回應，並用連環劈拳，不斷捶打父親。
期間兩人互轟粗口，「X家剷」「X你老母」「X街」等滿天飛。
影片中段聽到拍攝者也夾雜粗口在勸交：「唔好打，唔好打，你唔好還拖，你個X仔又係，無得咁打老豆嘅，老豆又點可以還拖呢，你再係咁就真係抵打㗎啦。」不過反招來小童惡言相向：「關你咩事。」影片未有交代事件最後如何結束。
【點擊即睇｜網民妙論父子街頭MMA↓↓↓↓】
網民對事件大吃花生：「至少肯定係親生。」「細時複製期不斷吸收，現在學以致用。」「老豆身教個仔完全吸收晒。」「孩子不懂事，大人也跟著不懂事。」「兩父子嘅用詞都不當，互相閙對方X家剷，其實大家都係閙緊自己嘅家族，不如冷靜啲，飲杯茶，食個包，慢慢傾，兩父子冇隔夜仇嘅。」「有其父必有其子，父母日常既言語溝通同行為，孩子學足9成！要孩子尊重，首先要學懂尊重孩子。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
