Juicy叮｜借同事碌卡購物翌日公司群組遭追債網民稱幾百蚊睇清一個人

更新時間：17:24 2021-09-16 HKT
發佈時間：16:05 2021-09-16 HKT

網民稱突然想購物但不夠現金，所以借用同事信用卡付款。示意圖片

俗語有云人情還人情數目要分明，有網民拜托同事用信用卡代為付款幾百元，結果翌日即在公司通訊群組被追債，令網民十分不悅「真係一件小事就睇清一個人」。

有網民在「香港討論區」發帖，指昨日外出用膳期間無帶信用卡，食完飯見到心頭好想買，於是問了一個比較相熟的同事幫忙，用信用卡代付幾百元。網民稱用電子支付程式即時轉賬，但對方沒有該程式，所以「我都話第二日畀返佢」。

網民透露，「點知佢唔知係咪驚死我唔還錢，定可能佢真係想『提醒』我喇，今朝佢喺公司個大GROUP叫我還錢，全世界都見到，佢真係XXX」。

網民稱原本打算今日中午去提款機取現金還錢，「都唔爭在嗰幾個鐘呀嘛？有冇咁等錢洗呀？要喺公司個大 GROUP 到叫我還錢？你有冇問題呀？咩都放上枱去講？之前幫你比食飯錢又唔見我催你？」網民不忿「真係一件小事就睇清一個人」

不過有網民認為發文者過分，「幾嚿水做乜揾同事碌卡呢？收工先買丫嘛，講真丫，第二朝見到面就應該即還啦！俾同事追數都係要硬食囉！」、「你今日有錢襟，琴日無錢襟。無錢就唔好買住，點解要人幫你碌卡？太多你呢類人，當中好多叫極唔還，幫人個個忽然慘過問人借咗錢。唔想係人都知你會叫人碌卡，以後唔好扮熟老哂馮」、「食完飯重有時間行街+買嘢。咁咪去撳機攞錢買或即日還囉。有時間買嘢，無冇時間撳機?」

帖文轉載自「喺公司大group催人還錢」