有片│輕鐵坑尾村2男疑因打尖問題爭執互毆 拳腳交加打到瞓地
更新時間：10:57 2026-09-22 HKT
發佈時間：10:57 2026-09-22 HKT
發佈時間：10:57 2026-09-22 HKT
字體大小
今日(22日)網上流出一段打架片段，地點為元朗坑尾村輕鐵站月台，片中所見有兩名男子疑因打尖問題大打出手。片段一開始已見一名戴口罩白衫男子被紅衣青年打到瞓地，白衫男在地上掙扎，紅衣青年則一度跨過白衫男欲走入車廂逃走。
惟車門未有關上，紅衣青年又再走回月台，與白衫男展開罵戰，其間白衫男喝道：「你知唔知咩叫排隊呀？」紅衣青年即爆粗反駁：「黐X線，我排緊啦，你冇L嘢呀？」其間聽到有乘客大叫「唔好打呀」，車廂內有乘客大喊：「快啲閂門入嚟！」亦有乘客喊道「唔好入嚟打交呀大佬！」
青年走出車廂在月台又再向白衫男施拳，拳拳到肉，兜鎚窩面，白衫男被毆至面容扭曲，雖反擊但顯然不及紅衣青年揪擊，其間青年出拳兼起飛腳，白衫男只能節節後退，最後更被打到甩鞋。車門最終關上，未知後事如何。
影片引起網民熱議，有網民指「白色衫夠正義，而家好小人咁出聲」、「照計推到依條友俾人拉， 八達通有晒記錄要拉實拉到」、「識泰拳學過下，有相警方應該拉到人告襲擊罪！」亦有網民質疑：「其實我都好混亂，究竟輕鐵係點排隊㗎呢？地下又無任何標示， 你話你排呢度，我話我排呢度，邊個先啱？我睇過輕鐵守則，無相關資料， 得一個根據附例，當港鐵職員「要求」排隊時，乘客須在指定列隊後排隊，並以有秩序和有規則的方式向前移動，服從職員指引。無職員係咪唔使排隊？」
最Hit
