阮嘉敏《東周刊》獨家專訪 爆受多重打擊想輕生 計劃雪卵認重男輕女:結唔結婚都冇所謂

更新時間:12:00 2026-11-17 HKT
發佈時間:12:00 2026-11-17 HKT

TVB戀愛真人騷《女神配對計劃2》近日引來不少觀眾討論,其中現年35歲的阮嘉敏在「心動電話亭」遊戲中的抉擇更成為焦點。她未有選擇曾合作內地短劇而互生情愫的「短劇男神」吳旭東,反而挑選了一直默默付出、無微不至的譚梓樂。面對吳旭東當場落淚,阮嘉敏展現出成熟理智的態度,被網民讚賞「揀得好」且「清醒獨立」。日前,阮嘉敏接受最新一期《東周刊》獨家專訪,首度敞開心扉分享真實心聲。她坦言,雖然對吳旭東有過好感,但兩人在生活細節與溝通上仍需時間考驗,「如果我一開頭就定咗係東東,我約佢出嚟咪得囉!點解冇咁做?就係發覺相處落依然需要時間考驗。」相反,譚梓樂曾貼心地為她剝雞肉,這種細水長流的呵護更令她心動:「呢種將你捧喺手心嘅呵護,真係好打動我!」

阮嘉敏曾歷多重打擊萌輕生念頭

入行10年的阮嘉敏感情路非一帆風順,在參加節目《女神配對計劃2》前已空窗一年半。她提到上一段幾乎論及婚嫁卻無疾而終的感情,令她面對愛情時變得更加審慎,拒絕再當盲目的「戀愛腦」:「其實有時結唔結婚都冇咩所謂嘅,都係個名份啫,唔一定要限個時間畀自己。」回首30歲那年,阮嘉敏更遇上了人生低谷,不僅感情面臨分手,演藝事業亦停滯不前,加上最要好的朋友斷絕聯絡,重重打擊讓她一度難以承受。當時她更因免疫系統失調導致皮膚嚴重潰爛,在多重打擊下每天抱頭痛哭:「我一瞓醒,覺得點解個世界會唔同晒?點解男朋友冇咗?點解又冇咩嘢做?我一瞓醒就喊……」甚至一度萌生輕生念頭,幸好最終想到溫暖的原生家庭,才點醒自己重新振作。

相關閱讀:女神配對計劃2|阮嘉敏勸吳旭東回鄉照顧病母  東東痛心落淚拒返西安  網民反應兩極惹議

阮嘉敏自資創業  渴望明年雪卵生仔

為了改變現狀,阮嘉敏當時拿出所有積蓄勇敢創業,自學經營美妝及代餐產品生意。雖然過程艱辛,但她堅拒家人的金錢援助,堅持由零開始:「用自己錢一鋪晒冷,你冇後路退啊,你點死都要死掂件事!」如今生意已步入正軌,實現經濟獨立的她笑言,未來家庭的經濟責任應由兩個人共同分擔。對於家庭規劃,向來喜愛小朋友的阮嘉敏透露,計劃明年調理好身體後便進行雪卵,為生育做好準備。她更自爆若能選擇,自己比較想生男仔:「如果女仔十幾歲話唔返嚟瞓,我真係唔知點做,我會好擔心!所以我鍾意男仔,唔使點太擔心佢!」

相關閱讀:女神配對計劃2|阮嘉敏棄選吳旭東 男方即場爆喊情緒勒索?  網民:諗起《天地豪情》張家輝

想睇最新一期《東周刊》詳細報導,即刻點擊:https://bit.ly/4t4qu5I

防止自殺求助熱線:
香港撒瑪利亞防止自殺會: 2389 2222
生命熱線: 2382 0000
明愛向晴軒: 18288
社會福利署: 2343 2255
撒瑪利亞會熱線(多種語言): 2896 0000
東華三院芷若園: 18281
醫管局精神健康專線: 2466 7350
利民會: 3512 2626
賽馬會青少年情緒健康網上支援平台「Open 噏」:http://www.openup.hk