Bob林盛斌撞樣南京「紅姐」？對比照惹人爆笑自誇魅力尖沙咀排到上廣州：想媾邊個多啲

更新時間：15:33 2025-07-12 HKT
發佈時間：15:33 2025-07-12 HKT

近日南京紅姐「紅姐」事件熱爆網絡！網上盛傳「紅姐」原來是男扮女裝的偽娘，3年來以花生油、水果等物件以「免費交換性愛」，據傳有近1700名男性與「紅姐」發生親密行為後，被偷拍性愛片並放上網，連日來事件網上惹來不少爭議，南京公安局江寧分局因涉傳播淫穢物品將「紅姐」刑拘，案件仍在調查中。

向來以「轉數快」而聞名的林盛斌（Bob）當然有留意事件，昨日（11日）在IG貼上一張營業部「徐小姐」造型相，竟然與「南京紅姐」撞樣，林盛斌還搞笑地說：「算啦，我認啦，其實單嘢係我做嘅。」葉蒨文（Sophie）爆笑留言：「你有無起碼2000個？」

今次「南京紅姐」「千心斬」事件震驚網絡，惹來不少談論聲音，林盛斌當然加入論討行列。早年林盛斌曾為TVB推銷廣告套餐，當時以營業部「徐小姐」造型拍攝宣傳片，「美艷」形象令人一見難忘，昨日林盛斌在IG貼上「徐小姐」造型相並搞笑留言：「算啦，我認啦，其實單嘢係我做嘅。如果佢都可以食到千幾個小鮮肉，咁我條隊咪尖沙咀排到上廣州！講真，邊個靚啲？你想媾邊個多啲？唔准諗，即刻答。最多我唔使你買牛奶、花生油同用品嗰啲。#極度懷疑佢係抄我TVB營業部徐小姐個造型 #紅姐 #紅爺 #紅大爺 #好多個名唔知邊個先啱。」林盛斌和「南京紅姐」同樣戴了齊陰假髮，以及搽了紅色唇膏，霎眼看來確實有點相似。

不過有網民反而讚林盛斌「你靚好多喎」，還有人說：「真心，你靚九條街」﹑「唔使諗即刻答，點會唔係揀你？」、「揀你！你靚啲！」袁偉豪亦有留言：「你個粉底靚好多。」林盛斌笑說：「全部名牌嚟㗎！」葉蒨文（Sophie）爆笑地問：「你有無起碼2000個？」林盛斌笑說：「唔係咁少呀嘛！」連胡定欣都忍不住說：「不如你都試下。」林盛斌亦有回覆：「試咗啦！」林盛斌當日營業部「徐小姐」造型相，已經令不少人「笑爆咀」，但原來根本「查無此人」，試過有人主動聯絡林盛斌的經理人Kaman查詢報價詳情，但原本客戶想在TVB落電視廣告，不過「一直搵唔到『徐小姐』，於是找林盛斌幫忙，結果林盛斌笑說：「可能上次徐小姐嗰個造型真係太入腦，我覺得TVB營業部要出返一份糧畀我。」