TVB小生自爆閨房事與外傭姐姐有關最愛大便時逼老婆XXX：靜靜哋幾好

更新時間：11:00 2025-06-29 HKT
發佈時間：11:00 2025-06-29 HKT

唐詩詠舊愛、TVB小生洪永城（Tony）與梁諾妍（Inez）在2021年奉女成婚，育有大女「Sir Face」洪靖嵐（Amber）和細女「Sir Nose」Beryl，外界一直關注二人是否有意追仔，不過洪永城表明「兩個女已經夠負荷啦！」甚至公開表示「我結紮咗喇」，但其後洪永城又指結紮純屬誤會，重申仍有生產能力追第三胎。

日前洪永城與梁諾妍合體為YouTube節目《絲打圍爐》做嘉賓，夫婦二人輪流爆閨房事。梁諾妍公開表示洪永城欠缺浪漫的表示，洪永城稱自己已經努力：「我安排咗family trip去台灣旅行，今次係一家人嘅浪漫。」梁諾妍爆老公有癖好：「佢成日喺佢屙緊屎嘅時候，叫我入去傾偈。」洪永城做「夜間運動」竟然同外傭姐姐講。

相關閱讀：洪永城已結紮純屬誤會？主動澄清揭事件真相重申仍有生產能力追第三胎

洪永城大爆閨房癖好：

洪永城在家中廁所內求婚

梁諾妍曾表示洪永城在家中廁所內求婚：「有晚佢拍完嘢返屋企，走咗入廁所一陣間出返嚟，我人有三急入廁所，佢又跟住入，當我打開廁所門，原來佢喺廁所咗部攝錄機，放咗微型燈泡喺洗手盆，廁所仲一束鮮花，喺鏡上貼咗心形卡寫住『MARRY ME？』我好笑又感動，問佢點點解要喺廁所求婚？佢話知道我一定會去廁所。最好笑佢拎戒指求婚時，我話︰『我真係好急，你等一等，我去完廁所先！』結果佢要等我辦完大事再求婚，我就Say Yes！」今梁諾妍爆老公有癖好，鍾意「辦大事」傾偈，她笑說：「我都有問佢係咪一定要喺廁所傾，佢話靜靜哋幾好，結果佢喺屙緊，我就企門口同佢傾，係有少少認真嘅深情嘢。」洪永城笑說：「你要明白出便好嘈，小朋友走嚟走去，好難得有一個寧靜空間。」

洪永城「夜間運動」同工人姐姐講

蝦頭忍不住問：「如果真的要做夜間運動，有否一些信號給大家？定係唔使，一上床就一隻手攬過去錫？」洪永城笑說：「如果你要問我嘅話，因為佢平時唔飲酒，只係同朋友出去先飲，我咪會問佢飲唔飲GIN？一齊飲返杯呀。又或者同工人姐姐講。」梁諾妍竟然說：「我而家先get到。」洪永城再說：「點解同工人姐姐講，因為平時我哋輪流陪兩個女瞓覺，講吓故事，有時要讀好耐，讀到好攰，如果我同工人姐姐講佢哋兩個女瞓覺，我哋咪唔使講故事，今晚就自由喇。」梁諾妍反而比較直接：「我哋而家好少兩個人嘅時間，只要食到餐飯就好開心。」