盧惠光19歲細仔英國返港 變「爆肌Oppa」朱古力腹肌好吸睛 盡耗棺材本悉心栽培：唔使養番我
發佈時間：23:00 2025-06-06 HKT
66歲盧惠光曾在泰拳界聲名大振，更是80年代香港拳王，當年他被李修賢發掘進軍演藝圈後參演過不少電影，更在1989年當上成家班的龍虎武師，與成龍合作無間。前年12月，其前妻黎淑賢在北角寓所燒炭輕生，終年46歲。盧惠光曾指為兩個兒子，不介意一直單身，只希望他們健康愉快便再無所求，可見他極錫兩個寶貝仔。盧惠光指細仔即將返港，並晒出細仔的最新狀態照片，明言自己都「唔夠佢揪」！
盧惠光兩名公子顏值極高
盧惠光的兩名兒子盧俊諺（Jacky）及細仔盧俊希（Jovan），今年已分別26及19歲，細仔現時於英國求學，並現變為韓式Oppa美少年。昨日盧惠光（5日）更新IG限時動態，晒出兒子照片，第一張見到盧惠光在中間，兩個寶貝仔企在兩旁，見到兩名公子都好靚仔，大仔盧俊諺着間條恤衫外型較斯文，而盧俊希就較Cool，身形亦比哥哥明顯大隻。盧惠光表示：「大鑊，聽日我細佬返嚟，唔知兩兄弟會唔會夾埋嚟恰我呢？隻揪就得嘅！」盧惠光雖然是拳王，但兩位公子高大威猛，若聯手的話的確不易應付。
相關閱讀：66歲娛圈拳王現狼性？失婚多年曾豪言放棄第二春 成晚捉實美女玉手：你是我的獵物
盧惠光細仔可原地出道：
盧惠光笑指揪不贏細仔
而另一張則是盧俊希的獨照，細仔梳上型仔Oppa頭，於沒有太陽眼鏡遮掩下五官相當標緻，最煞食的是赤裸上身現身一身強勁肌肉，除了胸肌相當明顯結實外，一排朱古力腹肌更加吸睛，以盧俊希的外型，絕對可以原地出道。盧惠光指「操到咁大隻邊度夠佢揪啊！黐線嘅！兩兄弟夾埋恰我死X梗啦！」
盧惠光盡花棺材本栽培兩子
盧惠光為栽培兩子成才，他表示自己盡耗棺材本供他們到外國讀書。之前他就曾年花30萬供大仔留學，但他指自己不求回報，兒子亦不用養他。大仔盧俊諺畢業於英國著名學府巴拉福特大學（University of Bradford），主修物理治療學士課程。當初是盧惠光建議大仔選修這一科，因物理治療師在港較吃香。
相關閱讀：盧惠光首談前妻黎淑賢 輕生前一周曾通電約見面 接噩耗後三父子抱頭痛哭：佢唔應該咁
黎淑賢生前相片：
