星8卦丨「嬌嬌」好命有繼父經濟支持做梅香激死阿媽諗計要阿女重新做人

更新時間：11:30 2024-12-10 HKT
發佈時間：11:30 2024-12-10 HKT

如果唔係因為有個嫁得好嘅阿媽，「嬌嬌」亦唔會喺幕前有知名度。老實講佢天份事實唔高，阿媽當年都係普普通通，只不過小家碧玉係當年好流行，所以吸引人，呢啲係時勢問題，偏偏好快嫁咗「花心」，搞到一鑊粥。

相關閱讀：星8卦丨「大婆」被飛閃嫁「才俊」旺夫陷騙局慘變第三者

仲要有咗「嬌嬌」之後離婚，生完以為要再搏殺過，點知就畀佢遇到幫佢接生嘅醫生，話阿媽一直係自己理想嘅女神，希望可以照顧兩母女。醫生果然講得到做得到，當「嬌嬌」好似親生女咁錫，自細生活富裕，「嬌嬌」唔係好知掟，覺得自己咁靚係可以行阿媽條舊路，但阿媽看在眼內梗係知唔得啦。

相關閱讀：星8卦丨「老前輩」自製病歷扮「性上癮」滾女不留後有原因

但醫生老豆一直畀錢支持，幫佢搵晒人脈搭通天地線，結果係咁多年都靠畀錢搞掂所有高層，醫生老豆仲成日免費幫呢班人睇病。阿媽梗係唔開心，同「嬌嬌」嘈到拆天，咁多年都係做埋梅香角色，睇住一個讀埋大學返嚟，唔好好做人嘅心肝寶貝，又點會唔心痛吖，為咗令「嬌嬌」清醒，阿媽最終逼醫生老豆截斷對「嬌嬌」嘅經濟支援，睇下會唔會令佢清醒！

相關閱讀：星8卦丨「莫名」忍足廿年決定斬纜有錢有愛人完勝人生下半場

↓立即下載星島頭條App↓