42歲黃翠如傳懷孕被視后嚴格監控飲食「掃街」避影下半身疑遮孕肚？

更新時間：19:30 2024-09-30
發佈時間：19:30 2024-09-30

黃翠如早前被網民影到穿鬆身裙兼波鞋逛街，輕微凸肚，疑似有孕，其後她出席活動未有否認，並承認近期飲食方面要特別小心，等待上天安排。今日（30日）她就在社交網貼出與閨蜜唐詩詠相約的短片，片中見唐詩詠緊張控制對方的飲食，只批准黃翠如吃一粒雞蛋仔。

相關閱讀：黃翠如微發福上圍升級冇否認有喜甜笑多謝大家祝福一切等個天安排

黃翠如被好姊妹控制飲食？

黃翠如在IG上載多張照片及短片，片中見唐詩詠負責揸車去買雞蛋仔，而做乘客的黃翠如則只在車廂中等待，其後，唐詩詠在一底雞蛋仔中，只搣了一粒雞蛋仔遞向黃翠如，並表示：「香港特色，畀你食一粒雞蛋仔（黃翠如：多謝喎！）Only One，The One。」似乎是要控制住黃翠如的健康飲食，而所有的照片亦只得上半身，令懷孕傳聞更加似層層。

黃翠如大爆唐詩詠秘密

而黃翠如亦分享了，到唐詩詠家中探望其愛貓的照片，她表示：「一個可以自出自入嘅屋企，就算呢兩位主子嘅媽媽唔知去咗邊，我都有兩位主子熱烈搖尾歡迎。」黃翠如更大爆，唐詩詠食格仔餅原來要走糖走奶，只得花生醬，並寫道：「今日仲有親自外賣港島名物雞蛋仔和格仔餅，雖然佢叫嘅格仔餅走糖走煉奶。」網民都笑言走糖走奶，不如食返雞蛋仔。