何太爆粗與網民決一死戰玩賭命！重申唔稀罕何伯450萬：老公死咗將真錢燒畀佢

更新時間：16:30 2024-06-11
發佈時間：16:30 2024-06-11

自從TVB節目《東張西望》訪報道76歲何伯與年輕逾30載的內地婦閃電再婚兼與仔女爭奪450萬爭產故事後，成為全城熱話。連日來何太在粉絲群和直播上，無懼被網民圍剿，與網民展開罵戰，日前何太又在抖音群組發表偉論，揚言假如何伯死後「將啲真錢燒畀我老公」！

何太又在抖音群組發表偉論：

何太態度囂張破口大罵網民

自從房屋署署長羅淑佩點名評論何伯與何太的個案後，何伯突然消失於人前，只有獨力單挑網民，日前又有何太在抖音粉絲群的對話流出，態度囂張的何太破口大罵網民：「你哋嘅何伯一直都係靠呢450萬食利息，有邊個仔女畀過生活費養呀？佢邊使仔女養呀？你哋真呀，又話自從發生事情以來，何伯嘅仔女都有再畀生活費，也不理何伯。你哋真係癡X筋，你係咪好無知，定係唔知事情嘅真相？你哋嘅何伯伯呀，喺疫情或者仔女有任何困難，通通都資助佢哋，係用金錢去資助，有晒銀行記錄，冇得唔認，一打起官司走唔甩，太不懂法。」再有人問何太申請法援的進展如何，她又以高八度的聲音說：「申請法援邊有咁快同你打呀？都要講程序講時間。」

何太等何伯去世後將真錢燒給老公

何太表示與何伯去過銀行多次理論，她還說：「我老公話無論點都要拎返呢筆錢，話死都唔眼閉，勝數絕對係百分百啦。450萬頂到一條命咩？我老公話佢賠上性命都要爭取返自己嘅嘢呀，因為佢畀佢嗰啲不孝子女搞到都得半條人命，差啲搞死咗佢，死咗幾次架喇。」她又續說：「哼，你都多餘既，死咗450萬，幾多畀我呀，我唔稀罕嗰啲錢呀。我老公死咗嘅話，我燒嗰啲真錢畀佢呀，得未？450萬真係太少呀，護理佢老人家身體都唔得架，都未夠吖，萬一有咩重病，係咪？」何太就又稱其實曾打算將這筆錢去做慈善：「本來我話等我老公過咗身，呢450萬用剩，反正呢450萬係我老公所有嘅身家，我到時都會捐出去既。你又變成又問我咬住我，話到時何伯死咗450萬有幾多歸我，哼，真係吖！搞到我又要應承你哋，又講話到時將啲真錢燒畀我老公。」

何太回應被房署調查：

何太爆粗鬧網民兼決一死戰的約定

說到激動處，何太說：「你敢唔敢同我見面，嚟一個決一死戰嘅約定，如果我份人有乜嘢行差踏錯，犯咗法，我哋同你賭命！你敢唔敢呀？X街，真係腦入水！」當然繼續有網民留言鬧爆，有人說：「根本就喺度咀（詛）咒自己個老公！」、「佢真係傻到不能形容」、「開口埋口講到個老公好快死咁！」、「又犯法，隻河馬真係法盲。」、「佢咁發錢寒，燒自己落去，都唔會燒真錢啦！」」、「你有錢燒先算喇，你就嚟連飯都無得食喇！」、「燒真錢犯法！」

其他文章：

何太指何伯暫住公屋質疑要加名無理？呻香港屋細難捱：畀機會我返大陸發展仲好

何太遭房署調查首洩心聲！無懼被收樓「屈就住公屋㗎咋」囂張回應：查我仲歡迎添！

何太昨直播自爆內地有間屋！有一煩惱待解決羅淑佩今證何伯非公屋住戶高調跟進

何伯何太現身旺角搵法援？當街身貼身勁親暱網民激讚羅淑佩：做到嘢

何太貼老公亡妻遺物照遭圍剿喪鬧！開直播扯火反擊網民：點解你哋要攻擊我？

何太為降低養老公成本回鄉投靠親戚？何伯疑要捱味精湯大兜「軟飯」食到飽

東張西望丨何伯被何太湊返鄉下避風頭？打風拖兩大篋北上狂爆子女私隱引爭議

何伯預告返港搵法援！何太狙擊老公細女「最可恥」稱18歲仔唔肯返大陸

------------------------------

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊 https://bit.ly/4csd4qL

緊貼最新最快新聞資訊，請立即下載星島頭條App：https://bit.ly/3Q29Vow