何太疑不點名質疑律師專業翁靜晶：講呢樣嘢嘅人都幾傻

更新時間：22:30 2024-06-10
發佈時間：22:30 2024-06-10

早前翁靜晶曾在YouTube頻道「危險人物2.0」以法律角度分析何伯夫婦的事件，日前有網民與何太於抖音交流時，提起有位律師分析何伯可能難取回450萬元，更提及翁靜晶的名字。何太即時激動起來，並不點名批評談論何伯事件的律師，發表質疑對方專業資格的言論。

翁靜晶疑評何太「個牌買返嚟」言論？

何伯與何太因高調接受《東張西望》訪問而「成名」，任律師的前女星翁靜晶都有關注事件，更曾於YouTube頻道「危險人物2.0」以「何伯與何太丨翁靜晶同你傾下城中熱話背後嘅法律問題」為題開直播，以法律角度分析事件。

有網民於何太的抖音粉絲群組中分享香港有律師分析何伯能取回450萬元的可能性，而另一位網民亦表示：「翁靜晶律師講好難喔何太。冇450萬有利息都好過一蚊都冇。」何太即時非常激動表示：「嗱，你再提呢個律師嘅名呢，我證明你同佢係一派，一派胡言呀你。」及後何太繼續鬧「律師」，有網民提醒何太應小心說話，但何太依然繼續向對方作出各種批評。

翁靜晶以法律角度講解76歲何伯事件：

翁靜晶評論「買律師牌」言論

就今次事件，翁靜晶今日（10日）於YouTube頻道「危險人物2.0」中亦有評論相關言論，她表示：「有人話，翁靜晶個律師牌，有人講個牌買返嚟㗎喎！哇，我聽到好開心喎！我就問喇，有得賣嗰個人……係邊度有得買呀，我想買多個喎，如果有不如買多個，你介紹我買多個啦，要幾多錢？如果買得起，買多個都唔錯喎咁樣。」翁靜晶更笑指：「其實講呢一樣嘢嘅人，都幾傻。」翁靜晶稱正收看直播的人就如她的「鄰居」，有不少觀眾甚至觀眾的長輩見證她12歲便入行做童星，可謂看着她成長，「我一生做過啲咩，好嘅、唔好嘅，啱嘅、錯嘅，你哋都睇到㗎嘛！每年去讀書，成績點樣又會同你哋報告，所以點講呢……人哋鍾意講，咪由得佢講囉，最緊要就係，係咪事實？同埋傷唔傷害到你囉，如果講啲咁傻嘅嘢出嚟嘅人，傷害嘅就係自己喇！尤其是你自己又唔係咁得人鍾意嘅，你仲要又話房屋署長又點又點，咁你覺得你咁做法，鍾意你嘅人係多咗定唔鍾意你嘅人會多咗呢？」

翁靜晶以案例比喻

翁靜晶以一名內地女士來港開戶口，以金錢賄賂銀行職員被ICAC調查的案例作比喻，她表示：「呢啲都係價值觀同文化嘅差異，有啲地方我哋覺得可以畀錢……就可以做到㗎喇，但香港係唔得嘅，因為香港有ICAC，咁所以我哋就唔可以用錢去買嘅。咁好喇，呢個講嘢嘅人，佢自己心態呢，其實就係曝露咗佢自己做嘢嘅模式就係『錢就係一切，你有錢就可以買到任何嘢喇』，咁可以講畀你聽，好難喇！同埋香港法庭係非常之難買通嘅。」更分享一句成語「夏蟲不可語冰」諷刺說「買律師牌」言論的人，「有啲嘢你係解得人哋明嘅，有啲嘢永遠都唔明嘅。咁尤其是有啲人嘅價值觀，所有嘢都係用你有幾多錢去衡量價值嘅，咁其實中國改革開放係好成功，經濟做得好好，但喺一開始時呢，如果可以畀多啲道德教育，畀大家知道，唔係話你做咗個體戶之後，繼而成為萬元戶之後，你就高人一等嘅，唔係咁樣嘅，仲有好多其他價值嘅，就因為用咗個錢去衡量，咁所有人就認為有錢就係成功，其實成唔成功呢個定義唔係你自己畀自己㗎！係社會畀你嘅評價。」

相關閱讀：何伯何太現身旺角搵法援？當街身貼身勁親暱網民激讚羅淑佩：做到嘢