鍾嘉欣秘密回港撐舊愛？伍允龍曾吐苦水被嫌棄 發奮拍《城寨》有名有女
發佈時間：11:00 2024-05-26
40歲鍾嘉欣自2015年嫁脊醫Jeremy後誕下兩女一子，現時在加拿大定居，間中才回香港工作。鍾嘉欣日前被發現在廣州出現，為8月在當地舉行的演唱會宣傳，四出接受訪問之餘，還穿上粵劇戲服現身。昨日（25日）鍾嘉欣已秘密回港，除在健身室大晒Fit爆身材外，更令人驚喜地到戲院撐舊愛！
相關閱讀：母親節2024丨鍾嘉欣晒三代同堂照！家姐罕露面眼鼻口似到十足 竟是妹妹結婚大功臣
鍾嘉欣大讚舊愛？
鍾嘉欣日前簡單穿上牛仔外套上電台節目，已獲大讚狀態好，之後她又被網民在街頭野生捕獲，見她身穿粉紅色粵劇戲服大擺Pose變身花旦，被指狀態更勝當年拍《公主嫁到》。鍾嘉欣當然天生麗質，更成為華姐冠軍，但她都有努力鍛鍊，她昨日（25日）便在IG分享回港後在健身室操練的片段，素顏上陣做出多組不同訓練動作，想不到身形瘦削的鍾嘉欣已操出腹肌，俯身時更不介意大晒豐滿上圍。網民都不敢相信這位三孩之母有這副完美身材。更令人驚喜是鍾嘉欣在限時動態分享兩張電影門票，她欣賞的正是由其舊愛伍允龍有份參演，其演出都大獲好評的《九龍城寨之圍城》，鍾嘉欣更寫上：「好耐冇入戲院睇電影。真係超好超好睇！」
鍾嘉欣伍允龍拍《十分愛》結緣
其實兩人也是因電影結緣，鍾嘉欣2007年拍電影《十分愛》跟伍允龍相戀，不過這段維持八年的感情卻令伍允龍大受傷害。伍允龍兩年前在TVB節目《諸朋好友》中談到這段地下情，指經常被人稱為「某某人男友」，伍允龍當時大吐苦水說：「當年我成日俾人叫茄喱啡、奀星，其實奀星都算好，起碼有個星字，但其實我主演過電影《惡戰》，係由袁和平擔任武術指導嘅電影。拍咗好多戲，亦都好努力去做，好似拍過套《賭城風雲》，一個鏡頭俾車撞，撞咗成25次，又試過由一樓跳落嚟，差啲斷腳，但都冇人知。」
鍾嘉欣成幸福少奶奶？
有傳電視台及唱片公司高層都嫌棄伍允龍知名度低，怕男方會拖累鍾嘉欣，伍允龍也直認因女方公司施壓而未能公開戀情，兩人更於2015年分手。他說：「我唔係投訴，只係唔明白點解個焦點會放喺地位分別上，同埋同邊個拍拖。其實（我哋拍拖）係開心嘅，只係對方因為喺工作上嘅問題，要收埋我少少，相信佢各方面有啲壓力，咁我係明白㗎，因為當時佢好紅，但我係Nobody（無名小卒），冇關係，我明白呢一行係點樣嘅，不過我就覺得過分咗去做呢件事，變咗個傷害喺我度。」
伍允龍為鍾嘉欣拍《城寨英雄》
正因如此，當伍允龍有機會到TVB拍劇，便二話不說應承，因為想知道更多鍾嘉欣工作是如何運作，他說：「咁啱當時TVB有幾部劇搵我，但我經理人覺得唔適合推咗。直至之後Jazz（監製文偉鴻）搵我拍《城寨英雄》，晶哥（王晶）問我想唔想做，我即刻話想做，我當時已經唔係淨係話唔忿氣，而係想證實我都做得到。」同樣是「城寨」，伍允龍當年拍劇入屋，今日更憑同一題材而人氣急升，更有指伍允龍因拍《城寨英雄》，與拍檔劉佩玥傳出緋聞。鍾嘉欣其後成為幸福少奶奶，至於伍允龍則承認在鍾嘉欣之後有拍過拖：「我對上一個（女友）帶過出嚟同Andy（安志杰）、Jessica食飯，當時Andy話呢個女仔OK，之後我真係同呢個女仔拍咗一年拖左右。」當時伍允龍真的有帶過劉佩玥與這位好兄弟見面。
其他文章：
鍾嘉欣獲仔女陪伴慶祝40歲老公無影 網民大讚外表年輕似30歲
鍾嘉欣7歲大女展現驚人運動細胞 廿四孝媽咪年近40仍為子女學做一事
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
