前人氣女團成員病倒用IG提自己食藥連環發生蠢事自嘲白癡

更新時間：18:00 2024-05-25
發佈時間：18:00 2024-05-25

35歲的前Super Girls成員吳嘉禧（Cheronna）昨晚（24日）在社交網的限時動態貼出多張新相及影片，見到交有一堆藥打卡，吳嘉禧未有提及患病情況，不過見到一臉倦容，似乎病情不輕，兼心情麻麻，吳嘉禧更指自己忘記食藥，要做一舉動提醒自己。

相關閱讀：吳嘉禧從馬爾代夫賞鯨回歸提香港鯨魚悲劇好嬲:做唔到任何嘢保護佢

Cheronna吳嘉禧食藥似小朋友？

吳嘉禧昨晚在IG的限時動態上載多張新相及影片，當中見到有六包藥及一支藥水，其中有止痛藥及消炎藥。吳嘉禧表示自己：「我實唔記得食藥」，之後又表示：「我用story去提自己食藥，係咪好叻，不過聽朝瞓醒先開始計」，經過半日時間，吳嘉禧在鏡頭前表演食藥，更露出皺眉扁嘴表情，甚似怕食藥的小朋友。

吳嘉禧自揭大頭蝦

不過病到懵盛盛的吳嘉禧，兩度表演食藥時，自爆竟然跌藥：「6個鐘後食，唔好再跌藥唔該」，吳嘉禧在影片中說：「我本身諗住12點食，啲時間易計啲，點知我跌咗其中一粒藥，搵極都搵唔返，遲咗食。點解我可以咁白癡，Why？」雖然之後拾回，但吳嘉禧又再出問題：「我掛住食3次隻藥，唔記得食2次隻藥」。從藥物種類來看，吳嘉禧似是傷風感冒，頭腦不清相信是情有可原，不過未見閨密團「SÏXTERS」送上慰問。

相關閱讀：吳嘉禧整蘿蔔糕維繫母女情自認宅女唔急「脫單」