東張西望丨精液斷診「女中醫」被捕！黎寬怡被推撞上演追逐戰 驚恐表情逐格睇

TVB《東張西望》昨日報道一宗自稱「女中醫」阿紅為男病人治療濕疹期間，竟然要除褲按摩及查看精液；隨後《東張》派工作人員放蛇，更揭發「阿紅」在召妓指南網站賣廣告，還寫明：「全球獨家首創，精液顏色斷診」。 今日節目繼續報道個案，「貓仔」黎寬怡更遭阿紅推撞，上演樓梯追逐戰。

相關閱讀：東張西望丨「女中醫」睇男士濕疹要除褲？召妓指南賣廣告：全球獨家精液顏色斷診

東張西望丨黎寬怡遭「中醫」推撞逐格睇！

「中醫」阿紅：要牌幹嘛？

《東張西望》昨晚播出的一集，找到男工作人員上門接受阿紅的「治療」，今日繼續播出工作人員放蛇過程。當時工作人員換上一條一次性短褲按摩，並被阿紅要求趴在按摩床上。工作人員問阿紅：「檢查濕疹要除衫？」阿紅則回說：「我而家唔係同你檢查，我幫你清一下得唔得？」其後阿紅以椰子油為工作人員按摩，並於背部刮痧、拔罐，又在肚上拔罐。阿紅還一邊進行「療程」，一邊說：「香港中醫裏面，我早就出名。（但係你無中醫牌？）不要講這些，你之前都找有牌的中醫，有沒有醫好你啊？有無醫好你？你現在最需要的是醫好吧，是嗎？要牌幹嘛？唔好再問，唔好再懷疑喇。」

阿紅以1元硬幣刮痧

隨後阿紅又再問工作人員：「要唔要檢查？檢查一下精液顏色。（點睇啊？）咩點睇？X出嚟睇囉。（用眼睇？）係啊檢查顏色、濃度，裏面有咩毒，破壞性功能。首先係查你早㳛原因。」隨後阿紅即拉低工作人員的短褲，再說：「而家將精液推出嚟，睇下顏色，查你早洩原因。（但我冇早洩喎？）咁我都要檢查，因為精液係同全身一齊。」工作人員隨後拒絕作精液檢查，阿紅則表示：「唔檢查都可以，我可以從其他方面去檢查。」阿紅之後竟以1元硬幣為工作人員刮痧，面對工作人員質疑，阿紅說：「唔好人哋，人哋點樣同我比，痧又出嚟又舒服。」

曾參加《中年好聲音2》的中醫徐澤昌接受《東張》訪問，表示：「無論刮痧、拔罐都有治療原則，根據患者實際病情，使用合適嘅刮痧或拔罐嘅手法治療。如果佢用硬幣去刮痧；如果唔乾淨，刮到破損，有可能會造成感染，所以一般來講，都係用刮痧板。」

相關閱讀：東張西望丨八旬老翁沉迷按摩遭兩子斷絕關係 疑被34歲骨妹騙2百萬公開露骨訊息

阿紅對攝製隊發難

報料人Dana丈夫因為看濕疹被除褲，她亦與《東張西望》團隊一同去找阿紅對質，問到阿紅是否在這裏做生意，阿紅表示：「唔係，我自己住㗎。」黎寬怡再追問有無中醫牌，阿紅即推咪牌、擋鏡頭：「唔好影，我而家係自己住，我呢度係中醫保健。」至於問到投訴問題，阿紅再說：「邊個投訴我？我唔係醫病。」

Dana追問其丈夫看濕疹期間被要求除褲，提供性服務：「我想問你係中醫定性工作者？」阿紅即開門發難：「我冇，乜都冇；我請你哋出去，我報警啊！」黎寬怡繼續問是否「賣淫為實」，阿紅繼續反駁：「我係做保健，保健按摩嗰啲！（但你社交平台係咪話三次濕疹就會好？）冇嗰啲，你擺證據出嚟！」

 東張西望丨女「中醫」睇濕疹要睇精液？

黎寬怡與Dana繼續質問阿紅，不過阿紅竟然走出門外，在等待升降機期間，兩人繼續逼問。當升降機門打開時，阿紅進內，黎寬怡最初亦以手擋住升降機門，豈料阿紅竟然捉實黎寬怡擋住𨋢門的手，並將她推進𨋢內想按關門，黎寬怡表情顯得相當驚恐。幸好攝製隊立刻擋住𨋢門，才讓黎寬怡逃出生天。

阿紅狂鬧黎寬怡：放屁

不過阿紅立即衝往後樓梯，黎寬怡與攝製隊繼續緊隨其後，黎寬怡再度追問治療服務時，阿紅發難大叫：「我屋企有老人家㗎！我仔都有病㗎！你咁樣搞我做咩啫？我犯咩法啊？」然後一邊行樓梯，黎寬怡繼續問是否故意為男客人做服務，阿紅鬧爆黎寬怡：「放屁！」黎寬怡竟然搞笑反問：「點樣放屁法啊？」阿紅連跑9層樓梯到大堂向保安求助，繼續發難：「咁樣點搞啊？咁樣係騷擾民宅。」無人理會的阿紅又想搭𨋢上樓，黎寬怡繼續緊隨，她又再推撞黎寬怡，黎寬怡更說：「佢超大力啊！」然後再走向後樓梯位置：「我唔同你講，我而家報警！唔好嘈！」

相關閱讀：東張西望丨深情中女為箍煲落情降疑受騙 訪問中途被爆做「小三」：你有冇落過小朋友？

阿紅被控「經營無牌按摩院」

經過一輪爭執，阿紅又再強調：「我係普通嗰啲保健按摩，你哋做乜咁樣搞？我有家，知道嗎？我屋企有老人家，有BB仔，好慘㗎！」Dana繼續追問老公當時的情況，阿紅發惡：「叫她老公來，叫她老公來啊！叫當時人來跟我對質啊。」阿紅隨後終於報警，再說：「我明人不做暗事，沒有害過任何人。」放蛇的《東張》工作人員亦立即說出當時情況，不過阿紅只是嘆氣了一聲說：「要拿證據。」

警察來到後，隨後再派出警長與多位警員到場，隨後指暫時會以無牌按摩拘捕阿紅。至於無牌中醫方面，警長則指：「你點知佢係醫人？但而家睇到佢無自稱。（社交網站有。）呢啲會存檔跟進。」阿紅隨後被警察蒙頭帶走，並帶走按摩床及一袋證物返回警署。其後警方回覆《東張》指，初步調查後，以涉嫌「經營無牌按摩院」指捕一名58歲女子，女子獲准保釋侯查，本月中再向警方報到。

其他文章：

東張西望丨40歲智障女迷戀上司債務纏身 被哄騙提取強積金恐要離港：好鍾意佢，後生靚仔

東張西望丨男導師驚爆有「偷精」行為 被指性騷擾兼辱罵學員：話我係豬嘅性器官

東張西望丨何伯澄清入院謠言「都唔知幾精神」 對何太做一動作晒恩愛粉碎婚變傳聞

東張西望丨何太親回與何伯造人計劃！自揭何伯上門第X次已發生關係？

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食！ https://bit.ly/3V7t3o7