MIRROR登上FOX及CNN電視台 Anson Lo流利英語掀討論 曾被嘲「紅不過羅湖」終雪恥
發佈時間：19:00 2024-04-13
曾經被內地網民群嘲「紅不過羅湖」的男團MIRROR，最近展開《MIRROR FEEL THE PASSION CONCERT TOUR 2024》，繼走訪倫敦、曼徹斯特、三藩市及洛杉磯站後，前晚（11日）抵達紐約為今日（13日）在UBS Arena舉行的巡唱作準備，騷前12子更破天荒接受當地FOX及CNN電視台訪問，其中三位成員盧瀚霆（Anson Lo）、陳卓賢（Ian）及邱士縉（Stanley）以流利英語對答，引起網民討論。
相關閱讀：MIRROR世巡丨12子北美站首度演唱最新英文單曲〈Day 0〉邀知名排舞師Jawn Ha編舞 Lokman : 跳開舞都覺得有啲難
MIRROR登上FOX及CNN電視台：
MIRROR成員姜濤、呂爵安（Edan）及邱士縉Stanley日前前往湖人主場觀戰，事後三人合照登上NBA官方IG，令他們受寵若驚。相隔兩日，由洛杉磯飛抵紐約的MIRROR稍作休息後，在騷前作客FOX電視台的直播節目《Good Day New York》，席間除跳唱跟NBA超級球星Dame D.O.L.L.A合作的新曲《Day 0》外，又接受兩位主持Rosanna Scotto及Curt Menefee的訪問，12子認為能在美國演出實在難以置信，由抵達機場一刻亦已感受到大家對MIRROR的愛，被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」
Anson Lo與主持打成一片
提及MIRROR的音樂種類，盧瀚霆Anson Lo稱，在吸收世界各地不同曲風的同時，亦包含香港廣東歌獨有的旋律風格；其間大家與主持打成一片，盧瀚霆Anson Lo更即興與Rosanna Scotto一同起舞，現場迅速升溫。
MIRROR展開世界巡迴演唱會：
然而日前，副隊長江𤒹生（AK）和姜濤分別在社交網晒英文，惜錯漏百出被網民揶揄「文盲」，今次3位「英文擔當」盧瀚霆Anson Lo、陳卓賢Ian及邱士縉Stanley在直播節目中大騷「Quali」，全程用流利英語與主持人對答，令不少網民另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。
MIRROR榮幸上美國電視節目
事後，12子坦言從沒想過可上美國著名電視節目，亦好榮幸能接受FOX《Good Day New York》訪問，盧瀚霆Anson Lo更以「好奇妙」來形容：「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」
MIRROR再上CNN及Pandora
呂爵安Edan說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」邱士縉Stanley亦表示非常珍惜這次機會，姜濤則謂：「希望未來日子可以有更多人聽到我哋嘅作品。」此外，MIRROR亦有接受另一電視台CNN及串流音樂平台Pandora等的訪問，收穫甚豐。
其他文章：
MIRROR世巡丨12子出發到美國演出 Jeremy為發脾氣叫粉絲讓路解話 Anson LoAK靠上機補眠 Ian帶埋錄音器材上機 Edan爆Stanley旅行匣有啞鈴
12怪盜丨Anson Lo怕金魚但自稱養魚專家？ Frankie大讚AL為隊員中游水最快
12怪盜丨Jer 拍攝期間曾NG 14次 難忘12子同場鬧交戲 圍讀被Lokman情緒嚇一跳
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
