福祿壽訓練學院丨82歲盧海鵬獲頒榮譽博士 罕現銀幕中氣十足大拋7字真言
發佈時間：15:15 2024-04-13
由阮兆祥、李思捷、王祖藍主持的扮嘢真人 Show《福祿壽訓練學院》，將於明晚（14 日）播出第三集頒獎禮篇，今次由3位導師及24名學員攜手炮製頒獎禮，除了會惡搞熱播劇集及電影外，又會模仿世界各地的歌手，甚至動漫人物勁歌熱舞， 82歲「扮嘢界始祖」盧海鵬屆時將獲頒榮譽博士。
相關閱讀：盧海鵬罕談失明嚴重影響生活 看不清手機、劇本：你哋都睇唔到，仲有咩人搵我拍戲？
82歲「扮嘢界始祖」盧海鵬罕現電視節目？
預備短片回顧盧海鵬經典扮嘢造型
入行超過半個世紀的盧海鵬，70年代是《歡樂今宵》台柱，以搞笑作風及模摸仿其他藝人的功力，令人留下深刻印象，今次獲頒「福祿壽訓練學院榮譽博士」，製作組除預備了長約2分鐘的盧海鵬經典扮嘢造型回顧影片外，福祿壽三位導師更會以盧海鵬三個經典扮嘢造型亮相致辭及表演向盧海鵬致敬。有一段時間未有現身電視的盧海鵬，罕有地現身接受這項殊榮，82歲的盧海鵬依然相當玩得，上台領獎時不忘搞Gag兼開心謂：「喺TVB做咗好多年㗎喇，但係始終都冇獎項呀，點知而家我唔撈咁耐喇，佢又記得喎。」並大拋7字真言扮嘢心得。完成表演後，導師與學員們齊齊向盧海鵬送上「福祿壽」小豬公仔，場面感人。
盧海鵬2018年曾進行「通波仔」手術，當時苗僑偉與老婆戚美珍陪盧海鵬睇醫生，發現盧海鵬其中一條血管阻塞90%，其後在導演杜琪峯和演員古天樂力勸下，盧海鵬在2018年11月完成「通波仔」，由古天樂先墊支20萬醫療費用，其後盧海鵬再向保險索償。近年已經逐漸減產盧海鵬，對上一部演出的電影已經是2021年的《媽媽的神奇小子》，不過盧海鵬依然有不時現身朋友聚會，又難與與周潤發行山。不過早前接受鄧英敏的訪問，自揭原來右眼已失明並說：「因為長期糖尿（病），引致隻眼青光眼，後來知道都冇得醫。（而家左眼同右眼視力仲有幾多？）呢隻就盲咗（右眼），呢隻（左眼）就冇事。」
細細粒穿溫碧霞妲己戲服示人
另一方面，是次頒獎禮嘉賓名單如下（排名不分先後），有負責頒發「年度電視演員」的「真假麥玲玲」，除了有如假包換的麥玲玲，還有阮兆祥扮演的「麥靈靈」；負責頒發「年度歌手」的「剛氏三兄弟」，除了有金剛、還有李思捷的「銀剛」及學員王玲扮演的「彭剛」；負責頒發「年度電影演員」的紂王及妲己，由王祖藍及細細粒分飾。3組頒獎嘉賓之中，以「真假麥玲玲」最為搞笑吸睛，雖然祥師兄與玲玲姐身高方面有很大差距，但向來扮女人有一手的祥師兄，不但「神還原」玲玲師傅經典造型，就連笑容都學到十足十；二人還會在台上表演「神算大激鬥」。
至於成功減掉超過 100 磅的細細粒，則會以經典古裝美人妲己造型亮相，大晒銷魂鎖骨展示瘦身成果，更會連環大擺嬌俏甫士，細細粒興奮表示身上所穿戲服，是當年溫碧霞的戲服，並開心地表示：「我唔敢相信可以著得落，仲要有鬆添！」更邊說邊展示戲服衣領上的「溫碧霞」名牌。表演嘉賓方面，《福祿壽訓練學院》將大玩自抽，由 Professor Fuk 阮兆祥率領學員組成9人男團「Kowloon」，跳唱《亞洲超星團》主題曲《閃耀/Shining》。
其他文章：
萬千星輝頒獎典禮2023丨盧海鵬自揭失明後公開現身！上台「試咪」中氣十足 精靈狂爆金句
82歲盧海鵬自揭失明！患一病多年影響眼睛「冇得醫」 曾塞血管獲影帝墊支20萬醫藥費
-------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY
