細細粒陳嘉佳邁向終極磅數晒美腿瘦到見骨！獲封「背影殺手」擁女團般鉛筆腿
發佈時間：14:52 2024-04-04
38歲「細細粒」陳嘉佳（小寶）入行12年，一直以「重量級」身形見稱。體重高峰期直逼260斤（286磅）的她，去年因健康響起警號而決心減肥，成功於半年間火速勁減121磅，最近更越減越瘦掀起不少話題。至昨晚（3日），「細細粒」陳嘉佳再於社交網貼出最新全身照，並透露與理想體重距離又邁進一大步，令人驚艷！
相關閱讀：細細粒減肥後手臂鬆弛引熱議！內地網民對比賈玲有肌肉 專業分析原因
「細細粒」陳嘉佳最新索爆全身照：
「細細粒」陳嘉佳年前因急性糖尿病暈眩入院，為保命決心減肥，結果逐漸搣甩招牌「米芝蓮」身形，更頻頻於社交網以小背心、露肩裝大晒鎖骨線條，她揚言：「希望5月39歲生日時，可以減到終極目標130磅。」直到昨日，「細細粒」陳嘉佳於IG一口氣上載4張全身及正面照，並簡單寫道：「細細粒，最後28磅，加油！」換言之，目前她體重已減到約158磅，比高峰期足足輕了128磅！
「細細粒」陳嘉佳判若兩人
相中可見，背對鏡頭的「細細粒」陳嘉佳穿上黑色短裙、腳踩3吋厚底鬆糕鞋，由大髀至小腿位置均又瘦又直，猶如韓國女團Idol般的「鉛筆腿」；另一張稍稍側身照，更見大髀外側瘦到見骨，與昔日可謂判若兩人，獲不少網民封背影殺手：「嘩！同以前識嘅你，身形好似兩個人咁」、「唔係你嚟㗎！咁瘦！」、「真好厲害呀」、「背影好索啊」，惟亦有網民批評：「個頭仲係比較大，面頰仲好圓！係咪瘦身唔瘦面？」
「細細粒」陳嘉佳真實體態曝光？
然而上月初，「細細粒」陳嘉佳曾在澳洲被網民野生捕獲，生圖流出後一度被批依然「厚身」兼肚凸凸，且上身與雙腿比例極不對稱，早前做直播帶貨健康產品時，又被指纖幼的手臂出現「拜拜肉」，腋下位置更暴現鬆弛皺紋，疑似食減肥藥快速減磅所致，有網民都勸籲她應健康瘦身，不要一味追求瘦。
其他文章：
細細粒陳嘉佳極速由300磅減至148磅 吊帶小背心出鏡 一部位驚現極度鬆弛
細細粒公開超靚體檢報告激動爆喊 澳洲狂食反瘦期待買處女牛仔褲丨獨家
細細粒陳嘉佳真實狀態曝光！驚現厚切身形幼小腿惹爭議 曾揚言瘦到着中碼衫褲
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
