中年好聲音2丨肥媽親回與古淖文關係！被指情同母子疑偏私 首公開做一事避嫌
發佈時間：15:53 2024-04-02
TVB歌唱真人騷《中年好聲音2》上星期已經圓滿結束，現年36歲的古淖文擊敗譚輝智和顏米羔，成功奪得冠軍！古淖文因曾參加《亞洲星光大道》的關係，當年已經與評判之一的肥媽以母子相稱，感情非常好，加上二人同屬中葡混血兒，古淖文一直被指是肥媽的私生子。日前，肥媽就拍片澄清與古淖文的關係，更表示在比賽這段期間，刻意與對方沒有聯絡 。
相關閱讀：中年好聲音2丨古淖文昔日歌頌肥媽短片翻Hit！網民嘲諷契仔陸浩明地位不保
肥媽拍片親述同古淖文關係？
肥媽與古淖文相似因是中葡混血兒
在片中，肥媽先澄清二人的關係，她表示大家都是中葡混血兒，所以樣貌自然會有點相似：「母咩子啊？我同佢老豆冇關係㗎！你搵我笨咩？大家都中葡混血兒，咪似囉。你睇吓甄妮啦、Isabella（梁洛施）、李嘉欣啦，我唔係搵啲大美女同我比啊，大家都係中葡啊。」接著，肥媽透露古淖文在參賽之前是有打電話給她問意見：「我問佢，你係想報名抑或係問我？佢話我報咗啦。你想去做乜嘢咪去做囉，你要自己對自己負責任，我話得啦，你報咗名我就唔會睬你。呢8個月，我連佢facebook、電話啊，一路冇同佢講嘢，因為我要保持公平。」肥媽說就連中2生的飯聚她也沒有出現，除非有齊台前幕後所有人員 ，是因為要保持中立。肥媽更表示在這段比賽期間，二人刻意不聯絡：「係！刻意唔聯絡，唔提，唔同佢講電話。」
古淖文與餅印媽媽合照：
肥媽堅稱比賽靠實力契仔都冇「着數」
肥媽又被網民問到，古淖文是她的契仔，在比賽中會否有「着數」，肥媽即表示：「你冇睇到啲分咩？有咩着數啫？冇着數㗎，靠自己㗎。人哋夠話伍仲衡同劉威煌係好兄弟，劉威煌去唔去到最後呀？比賽係靠你嘅實力。」肥媽續指古淖文是靠他最後一首歌的表現出色，才得到冠軍。肥媽又透露古淖文以前經常跟著她到世界各地登台的：「佢去見嘅國際表演見得多，去唔同嘅舞台去得多，所以有咗咁多年嘅經驗，有好多唱歌嘅都有好多年經驗，但你唔係國際性嘅經驗，真係差啲嘅，呢個係事實。」
她更自爆決賽當日古淖文唱完第一首歌後，沒有想過他會是冠軍，甚至入到四甲都難，但唱埋第二首歌後，就覺得四強是古淖文、黃劍文、譚輝智及顏米羔，她更評安雅希減肥後未能回復以前的水準，所以一定不會是四強人選。
其他文章：
肥媽做「評審」惹爭議！被44歲男星拖手掃背摸下巴冧爆 明明瘋狂走音仍讚有進步
中年好聲音2丨大馬過江龍沈宗賢陳年照曝光顏值升幾級？ 曾因追夢斷送戀情單身逾10年
中年好聲音2丨古淖文亞視出身與肥媽情同母子 曾闖香港樂壇欲加入TVB失敗
中年好聲音2丨黃劍文一原因曾被網民批反骨 媽媽輕生大受打擊欲尋死
《中年好聲音2》決賽歌單率先爆！人氣王投票榜領先選手曝光 重量級天后做表演嘉賓
中年好聲音2｜楊千嬅任決賽評判被狠批未夠班 伍仲衡遭拖落水反擊網民冇常識
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
