重量級女星外國登台大呼危險！大呻不敢外出：中國呢啲真正自由用錢買唔到

更新時間：14:00 2024-03-30
發佈時間：14:00 2024-03-30

唱得之人肥媽（Maria Cordero）不論地位及身形都屬重量級，加上近年做TVB《中年好聲音》系列評審，受不少觀眾愛戴，而近年她亦攻內地市場，開設抖音及小紅書，影片不時受到關注。日前肥媽於小紅書分享到外國登台的遭遇，大呼外國好危險，見識過方知中國好，獲內地網民深表認同。

肥媽激讚中國比西方國家安全：

肥媽昨日（29日）在小紅書上載影片，留言指：「跟你們講講我出國演出的遭遇……原來我們生活在最安全的國家，這些習以為常的，卻是很多人遙不可及的！」她在片中表示，近來到不少國家登台，感到非常危險：「我最近又去紐約，又去拉斯維加斯，又啱啱西雅圖（登台），你敢信？夜晚10點幾我就已經唔敢出去，同埋唔畀我出去。」拍片者表示驚訝，直指在國內，晚上10時才是夜生活剛要開始的時候。

肥媽外國登台想外出被阻止

肥媽續指演出前曾表示要到哪兒遊玩，卻被同行的工作人員阻止，她表示因對方指如果工作後他們外出，出意外不包含在他們買的保險內，並稱有事的話請他們登台的人將不會負責。而以上經歷更令肥媽感到中國好安全：「中國真係……你任何時間，你鍾意去邊度食，24小時你鍾意食咩都有，我去順德凌晨4點去食豬雜粥。尤其是外國人呀，嚟過中國嘅都話『冇諗過中國係咁㗎，咁現代化，原來我哋咁落後』，嗱！唔係我講呀！人哋講㗎！」

肥媽分享四個月減80磅貼士：

肥媽：全世界最安全就係中國

肥媽指多次出國令她有感「全世界最安全就係中國」，對於中國被外國人讚安全，她表示很開心，「我飛咁多個國家，越出得去多，越覺得自己國家好。你哋西方國家成日同人哋講自由，住邊度自由到不得了，有咩自由啫，我連自己出街都唔得。即係唔係淨係財產喎！對你生命係有危險，中國呢啲真正嘅自由，係用錢買唔到㗎！」內地網民紛紛表示有同感：「說得太對啦」、「的確是」、「紐約晚上真的很可怕」、「當然吃還是中國好，甚麼都有」，更有網民呼籲肥媽為安全應減少到西方國家登台，或考慮只接內地登台工作。