曾志偉興奮年紀大嘅朋友都識LOONG 9 《出租家人》好票房「裸跑」謝觀眾支持
發佈時間：15:15 2024-03-15
曾志偉今日（15日）出席《俠之大者 - 金庸百年誕辰紀念》揭幕禮，對於亞洲超星團的組合名「LOONG 9」引起熱話，他覺得團名不是問題：「好多名大家最初唔習慣，但係咁就炒咗個熱度，依家個個都識，冇人唔識LOONG 9。呢個名係北京用，佢哋唔明白LOONG 9變廣東話係乜嘢，但對我來說，呢啲嘢自己見得多，慣吓慣吓就舒服，舒服後如果呢班人成績公認，大家或者會覺得嗰日改呢個名改得好好，人生就係咁。」志偉又憶起當年成龍拍攝《警察故事》，經常被鬧這個名似是沒用腦去改，結果該片賣錢兼拍第二、三集。他又舉例電影《A計劃》、《恭喜發財》、《聖誕快樂》也似是沒經思考去改名，但這些名字讓大家最容易認識，若取個深奧名字大家反而難以記得。
談到LOONG 9團名被網民抽水，志偉直說：「仲好！多啲人討論同認識。有啲人唔知呢隊係咩都翻資料睇吓。身邊年紀大嘅朋友冇睇《亞洲超星團》都知好多熱話。」問他有否參與構思團名？他指是北京方面負責構思，當然有給他們過目，又解釋在國內「龍」不再翻譯為「dragon 」，9個人便改名為LOONG 9。問他最初覺得該名如何？他坦言：「我自己都覺得奇怪，就由得奇怪囉，依家大家都識。昨日同今日訪問都被問，之後有排問，問問吓就慣。」
稱阮民安想人記得佢
此外，對於當年他旗下的組合E-kids成員阮民安（Tommy）重提當年組合名原本叫A4，志偉說：「佢想再提返，好多人唔記得佢，依家想人記得吓佢。當年我哋提拔唔少新人，新人嘅時候大家冇問題，呢個世代大家想炒熱返，冇任何嘢係錯與對。之前《東方魅力》都畀人話改得唔好，難讀又難寫，但改咗就改咗，任何嘢無須追究，已係歷史。」
想TVB翻拍《神鵰俠侶》
談到金庸著作，志偉表示未演過金庸作品的角色，自認沒有角色適合演，他喜歡周伯通，但當年後生難演老玩童，大俠又演不到，又不夠風流倜儻飾演韋小寶。問TVB會否翻播金庸劇集？志偉表示將會播放騰訊新版本的《射雕英雄傳》，他指騰訊擁有金庸和古龍的版權，近日與騰訊開會傾談可否讓他們重拍經典著作，他說：「TVB最擅長拍呢類劇，最容易捧，好多TVB和香港藝人因為演金庸（小說）已成名，尤其《神鵰俠侶》邊個演邊個紅。金庸寫人物性格好，邊個演觀眾都喜歡，小龍女由陳玉蓮到李若彤，還有劉德華、古天樂，好期待TVB再拍。至於古龍作品，都有同騰訊傾過拍《小李飛刀》。」志偉希望讓觀眾認識年輕演員，憑這些劇令全球華人更認識和認同香港藝人。
如5000萬票房真裸跑
另外，曾志偉、恬妞、方力申、黎諾懿等昨晚（14日）出席電影《出租家人》慈善放映場，為「福幼基金會」籌得40萬善款，「福幼」創辦人兼主席曾志偉對此表示非常開心，感謝各位善長的支持，問到可會多做幾場籌款？志偉笑言只做一場，但一眾演員會落力謝票，恬妞表示在謝票場時看到觀眾發自內心喜歡《出》片，更看到有觀眾感動到喊，問到眼淺的她看到可有一起喊？她指自己比他們喊得更犀利，志偉則指本來自己都想喊，但見到恬妞喊得厲害即忍住。
恬妞指《出》片不是喜劇，不是大製作也沒有巨星，但整個團隊都非常用心，是值得推介的電影，問到是否對票房充滿信心？志偉說：「票房高即代表多人看，希望電影能帶來更多正能量，觀眾看完後都會對家庭好些，珍惜時間，至於會如何報答觀眾支持？志偉即表示要「裸跑」，但原來是玩食字，笑說：「攞個心出嚟跑！」不過當恬妞表示要謝票謝到5000萬才離港時，志偉笑謂如有5000萬票房，裸跑無所謂。
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
